کورتەنامەی شیعریی( بەشی پازدەم ),, فەتاح حەسەن

زەردەخەنە لێم تۆراوە
هەرکەسێ ئاشتمان کاتەوە
دەیخەمە خانەی..
ئازیزان.

---

هەر دڵێ
تۆوی خۆشەویستیی تیانەڕوێ
بە مشتێ کەپەك بیگۆڕییەوە..
هێشتا زەرەرتە.

---

هەرجوانێك ببینم
بەتۆی دەچوێنم
لەتۆ جوانتر
کەسی نەدیوە.. چاوانم.

---

تاڵاوی تەنیاییم زۆر چەشتوە
هەربۆیە..
ناهێڵم تەنهابێ، خەم.

---

ڕۆژێ دادێ
بەماچی ، دەم
مردوو..
زیندوو، ببێتەوە.

---

پەلکێشت کەن، بەرەو دۆزەخ
دەبمە سایەت،
کە، تۆ لەدۆزەخ بیت..
کەی ڕەوای هەقە،
بەهەشت بێت..
جێم!!

---

هەرکات..
بێ دڵی من نەکەی
دڵنیابە،
نزاکانت بەرەو یەزدان
گیرا دەبن.

فەتاح حەسەن
دانیمارك/ ڤالبی