Skip to Content

سروود… نەوزاد بەندی

سروود… نەوزاد بەندی

Closed
by نیسان 10, 2022 General, Poems

کە بێدەنگ بووی لە مافی خۆت

 سبەی باشتر نابێ لەمـــــــڕۆت

ئەڵێی مەگەر‌ خوا چاکی کــــــــا

خوا لەوە زیاتر چی بکا بـــــــۆت ؟!

دەست وقاچ و عەقڵ و چـــاوت

دین و بەرنامەی هەنگــــــــــاوت

لە هی مافیاکان باشـــــــــــــترن

بێ مانایە کـــــــــــــۆت و داوت

غیرەت ، مەردیــی ، ئازایەتـیی

سێ ڕێگان بۆ مرۆڤایەتـــــــیی

ئەوەی ئەو ڕێیانە وونـــــــــکا ،

نوقم ئەبێ لە کـــــــۆیلایەتیی

سەرشۆڕیی  بەرهـــەمی نییە

لە زۆریش هەر‌ کەمـــــی نییە

سەر هەڵبڕە ، وا خۆر هەڵهات

بانگتەکا ، بەس دەمــــی نییە

سەربەرزیی گەر ساتێکیش بێ

کۆیلەیی گشـــت کاتێکیش بێ

هەر سەربەرزیی هەڵبژێـــــــرە

ئەگەر کارەساتێکیــــــش بـــێ

هەرچۆنێ بی   ، مردن هەر دێ

لە کۆشــــــکا بی یان بن بەردێ

مل کەچ مەکە بۆ هیچ کەســێ

قازانجیش کەی هەر زەرەر دێ.

ـــنەوزاد بەندی ــــ

Previous
Next