جیۆپۆڵه‌تیكی نوێی ووزه و گۆڕانكارییه هه‌رێمایه‌تیه‌كان … به‌هرۆز جه‌عفه‌ر
” كاریگه‌رییان به‌سه‌ر هه‌رێمی كوردستانی عێراقه‌وه”
پێشه‌كی:
ووزه و جیۆپۆڵه‌تیك، په‌یوه‌ندییه‌كی دانه‌بڕاویان له‌گه‌ڵ یه‌كتر هه‌یه، سه‌ده‌ی بیسته‌م گه‌واهیده‌ری ئه‌وه‌یه، ئه‌و هێزانه‌ی له‌ده‌رئه‌نجامی ناكۆكی و شه‌ڕه‌كاندا، ده‌ستیان گه‌یشتووه به سه‌رچاوه و هێڵه‌كانی نه‌وت و غازی سروشتی، ئه‌وانه تام و بۆنی سه‌ركه‌وتنیان چه‌شتووه، ئه‌گه‌ر كاریگه‌ری ووزه به سه‌ر جوگرافیای سیاسیه‌وه ناوبنه‌ین “جیۆپۆڵه‌تیكی ووزه”، ئه‌وا ” پیترۆپۆڵه‌تیك- Petropolitic” یش وه‌ك چه‌مكێكی تازه‌ی ناو په‌یوه‌ندییه ئابورییه‌كان، بریتی یه له‌كاریگه‌ریی پیترۆڵ به‌سه‌ر خودی سیاسه‌ته‌وه، پیترۆڵ له‌ده‌یان شوێن هۆكاری هاوپه‌یمانێتیه‌و، له‌ده‌یان شوێنیش مایه‌ی جه‌نگ و هه‌ڕه‌شه‌ی گه‌وره‌یه، بۆیه نه‌وت و غازی سروشتی به‌وه‌وه ناوه‌ستن، ته‌نها به‌های دۆلار و بازاڕ ده‌ست نیشان بكه‌ن، كاریگه‌ری گه‌وره‌ش له دروستكردنی هاوپه‌یمانێتیه سیاسیه‌كان دا ئه‌گێڕن و، ئه‌بێته كه‌ره‌سته‌ی دابه‌شكارییه هه‌رێمایه‌تییه‌كان به‌سه‌ر زلهێزه‌كان دا…..
