پرۆژیه‌کی دیکه له منداڵانی که‌مپ
مةنسوور جيهاني ـ پرۆژیه‌کی دیکه له منداڵانی که‌مپه‌کانی ئاواره‌کانی سووریا و عێراق له لایه‌ن کۆمپانیای “مژ فیلم” به به‌رهه‌مهێنانی “به‌همه‌ن قوبادی” ساز ده‌کرێت.
دوای سه‌رکه‌وتنی فیلمی دیکۆمێنتاری “ژیان له سه‌ر سنوور” و به‌شداریی له فیستیڤاڵه جۆراوجۆر و گرینگه جیهانییه‌کاندا، له‌وانه: “به‌رڵیناله” و هه‌روه‌ها نمایش له وڵاتانی جیهان، کۆمپانیای سینه‌مایی “مژ فیلم” به به‌رهه‌مهێنانی “به‌همه‌ن قوبادی” بڕیاروایه فیلمێکی دیکۆمێنتاری دیکه له قه‌واره‌ی ٤ به‌شدا له ده‌رهێنانی منداڵانی توشبووی شه‌ڕ به‌رهه‌مبێنێت که له که‌مپه‌کانی ئاواره‌کانی سووریا و عێراق ژیان به‌سه‌رده‌به‌ن.
به مه‌به‌ستی ئاماده‌کردنی ئه‌م منداڵانه له بواریی سازکردنی فیلمه دیکۆمێنتارییه‌کاندا، چه‌ندین ژووری وانه گوتنه‌وه له که‌مپه‌کانی سووریا و عێراق دامه‌زراوه که تیایدا له لایه‌ن راوێژکارانی به‌توانای سینه‌ماییه‌وه، راهێنانی پێویست بۆ به‌ره‌وپێشبردنی سازکردنی ئه‌م فیلمانه به منداڵه‌کان ئاراسته ده‌کرێت.
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
