بۆ دهڵێم ( نا ) بۆئهم ڕیفراندۆمه !؟ … عهبدوڵا ساڵح
دوای كۆبونهوهی بارزانی لهگهڵ بهشێك له حیزب و لایهنهكان ڕۆژی 7 / 6 / 2017، بڕیاری دا له 25 ئهیلولی ئهم ساڵدا ڕیفراندۆمێك بهرپا بكا بۆ جیا بوونهوهی كوردستان و پێكهێنانی دهوڵهتی سهربهخۆ.!
سهرهتا پێویسته بڵێم من بێ هیچ قهیدوشهرتێك لهگهڵ جیابونهوهی كوردستان و پێكهێنانی دهولهتێكی سهربهخۆی سیكویلاری غهیره قهومیم وهك مافێكی بێ ئهملاو ئهولای ههموو میللهتێك ، ئهوه مافێكی حاشا ههڵنهگره و به ههموو شێوهك پێویسته بهرگری لێبكرێ ، بهڵام پرسیارهكه لێرهدا ئهوهیه ئایا ئهم ڕیفراندۆمه بۆ ههمان ئهو مهبهستهیه كه باسم كرد ؟
بۆ وهڵامی ئهو پرسیاره باشتر وایه چهند ڕاستیهك بخهینه بهر چاو :
１- گهڕانهوه بۆ ڕای خهڵك له پرسێكی ئاوا چارهنوسازدا كارێكی پێویسته ،بهڵام :
مهگهرههڵبژاردنی پهرلهمان پرسێكی چارهنوساز نهبوو!؟ ، مهگهر به فهرمانێكی بارزانی بهههوادا نهچوو !؟ وه ئهوه دوو ساڵه ههر چوار حیزبهكهی تر دهستهو دوعا لهبهر بارهگای بارزانی دهپاڕێنهوه تاكو كارای بكاتهوه ! ئهوه جیا لهوهی كاتێك ئهو پهرلهمانه كاراش بوو پرسه چارهنوسازهكان ههر له دیوهخاندا یهكلا دهكرانهوه ! بۆیه مهسهلهی كارا كردنهوهی پهرلهمان كه ههندێك لایهن پێداگری لهسهر دهكهن ،وهك مهرجێك بۆ بهرپاكردنی ڕیفراندۆم، جگه له گاڵتهجاریهك بهو لاوه ناتوانێ هیچی تر بێ ، كارا كردنهوهی پهرلهمان مانای ئهوهیه دهبێ ئهو پهرلهمانه مهرجهع بێ، واتا باڵاترین دهسهڵاتی یاسادانان بێ ، بهڵام لهكوردستان یاسا وهك ههموو چمكهكانی دیكه به حیزبی كراوه، واته دهبێ لهخزمهت دهسهڵات و پڕۆژهكانی دابێ دهنا چ یاساكه خۆی و چ ئهو لایهنهی دهری كردوه ئاوایان بهسهردێ كه بهسهریان هات ! باس له شهرعیهت دهكهن ، له كاتێكدا ههموو دهزگایهك و دامهزراوهیهكی ئهم ووڵاته مۆركی حیزبی پێوهیهو كون و كهلهبهرێك نهماوه به حیزبی نهكرێ و نهخرابێته ژێر چاوهدێری و بهرژهوهندی حیزب ، پهرلهمان زهقترین نمونهیهتی .
２- تۆ بڵێی خهڵكی كوردستان لهماوهی 26 ساڵ حاكمیهتی ئهو دهسهڵاته ئهو ڕاستیهیان بۆ ئاشكرا نهبووبێ كه وادهو بهڵێنی ئهم دهسهڵاته وهك بڵقی سهر ئاو وایه ؟ یا وهك كارهبا 24 سهعاتهكهی ئاشتی ههورامی وایه ؟ تۆ بڵێی ئهو خهڵكه پێویستیان بهوهبێ جارێكی كه بچنه پای تاقی كردنهوهیهكی دیكهی ئهو دهسهڵاته ، ئهویش له پرسێكی ئاوا چارهنوسازدا ؟ دهسهڵاتێكی ئاوا فشهڵ ، ئاوا گهندهڵ ، ئاوا مافیایی و ئاوا بێدهربهست له ئاقار سادهترین پێداویستی خهڵك ئهوه چۆنه ئهمڕۆ كهوتۆته غهمی ئهوخهڵكهو دهیهوێ ئایندهی نهوهكانی داهاتووی بۆ مسۆگهر بكا ؟ له كاتێكدا به بهڵگه ئاشكرا بووه لهسهری، وهك د. شێركۆ جهودهت ،كه ئهندامێكی پهرلهمانه پهكخراوهكهی كوردستانه ، له بهرنامهیهكی ئێن ئار تی دا ئاشكرای كرد له %53 زهوی كوردستان كهدهكاته 41597 كم دووجا بۆ 25 ساڵ فرۆشراوه و ئهوهشی نهفرۆشراوه شارو لادێكانن و خانویان لهسهره !
３- ئهگهر من كاریكاتێرستێك بام بۆ ئهم ڕیفراندۆمه وێنهی شهمهندهفهرێكم ده كێشا فارغۆنی یهكهمی، واته مهكینهكهی ، پارتیهو شۆفێریش بارزانی ، فارغۆنی دوای ئهو گالیسكهیهكه ئهو ڕایدهكێشێ ئهویش یهكیهتیه ، ئهمجا حیزبهكانی كه، وه دوا فارغۆنیش ئهو چهپ و لایهنه كۆمۆنیستانهن كه دوای ههڵلا كهوتون و نایانهوێ وهك چهپی حاشیهیی لهقهڵهم بدرێن ، وه یا ههندێكیان به خهیاڵی ئهوهی كوردستان جیا بێتهوه هیچ بههانهیهك بهدهست ناسیونالیزمی كوردو حیزبهكانیهوه نامێنێ تا شان خاڵی بكهنهوه له ئاقار داخوازیهكانی خهڵك و ئهو كاته كێشهی چینایهتی شهفاف تر دهبێ وئهوان دهتوانن ئێخهیان بگرن وقۆڵی لێههڵماڵن بهرهو سۆسیالیزم ! ئهم بیانوه جگه لهڕاكردن له بهرامبهر مهسئولیهتێكی مێژوویی كه ئهوان له ڕاستایدا بێدهسهڵاتن شتێكی دیكه نیه ! ئهو كۆمۆنیستانهی ئێستاس بهو دهسهڵاته دهڵێن مافیایی، گوایه دوای پێكهێنانی دهوڵهتهكهیان له مافیایی بوون دهشۆرێن ؟ كلكایهتی كردنی سیاسهتهكانی ئهو دهسهڵاته ، وه له پێشیانهوه پارتی ، وهك بازدانه له بۆشاییدا !
４- لهو ڕیفراندۆمه ، ئهگهر سهربگرێ ، دهسهڵات كارتێكمان دهخاته بهردهم دوو ئیختیاری تێدایه { بهڵێ یا نا } بۆ جیابونهوه ، پرسیارهكه ئهوهیه ئهم كارته چ پێویست دهكا ، مهگهر كهس ههیه دژی جیابوونهوه بێ ؟ مهگهر له ساڵی 2005 دا ههمان پرس به شێوهیهكی نایاسایی، وهك ئهوهی ئێستا بهتهمان ڕێكی بخهن، نهخرایه دهنگدانهوه و ڕای زۆرینهی ڕههای نههێنا ، ئهی بۆ جیا نهبوونهوه ؟ بهڵام ئهوان لهم ههل و مهرجهدا هاتون ڕێگای ڕیفراندۆمیان گرتۆته بهر چونكه لهو ڕێگایهوه دهتوانن بههرهبهرداری سیاسی خۆیانی لێبكهن، قۆناغی دوای داعش و ههوڵی سونهكان بۆ پێكهێنانی ئیقلیمێكی سهربهخۆ وهك ئارایشێكی نوێ ، دهسهڵاتی كوردی ناچار دهكا ئهو كارته بخاته گیرفانی بۆ موساوهمهو پچڕینی نفوزی زیاتر له بهرامبهرهكهی، دهنا كارتهكه بخهنه ئهرشیفهوه بۆ ڕۆژی مهبادا!
５- ئهوهی جێگای سهرنجه دهزگا ئیعلامیهكانی ئهو حیزبانه ، بهتایبهت پارتی ، دهنگۆیهك جاڕدهدهن گوایه ههركهس بهبهڵێ بهشداری نهكا ` خائینه ` لێرهدا جێگای خۆیهتی ههندێك بگهڕێنهوه بۆ مێژوویهكی نه چهندان دوور و بپرسین تهعریفی خیانهت چی یهو دهبێ به كێ بگوترێ ` خائین ` !؟ ، ئهوه لهلایهك ، له لایهكی دیكه ئێوه كه ڕیفراندۆم دهكهن و له كارتهكهدا دوو بژارده دهخهنه بهر دهم خهڵك [ ئا یا نا ] ئیتر بۆ پێشوهخت فهرزی دهكهن بهسهر دهنگدهردا كه دهبێ حهتمهن به دڵی ئێوه دهنگ بدا دهنا ` خائینه ` ،تكایه بیكهن به یهك بژارده و با ههردووك [ ئا ] بێت، ئهوهش وهك تازهترین مۆدێلی دیموكراتیهت به ههموو ئهو وڵاتانهی بفرۆشنهوه كه حاكمهكانیان له شێوهی ئێوهن !
６- ههمان ئهو كارته وهسیلهیهكه بۆ بێدهنگ كردنی ههر ناڕهزایهتیهك كه دهمێكه پهنگی خواردۆتهوهو خڵافاندنی خهڵكه به بابهتێك كه لهسهر دهستی ئهوان نهك جێگای هیچ ئومێدێك نیه ، بگره دووباره دواخستنی ویستێكی بهر حهققی ئهو خهڵكهیه بۆ جیابونهوه له عێراق و پێكهێنانی دهوڵهتێكی سهربهخۆ.
７- سهرانی ئهو حیزبانه ، تهئكید لهوه دهكهنهو كه ئهم ڕیفراندۆمه بۆ جێبهجێ كردنی ڕاستهوخۆ نیه ، وهك لێدوانهكهی ئهم دواییهی بارزانی بۆ ڕۆژنامهی واشنتۆن پۆست ، بهڵام گریمان دهوڵهتیشیان دروست كرد ، كێ دهبێته حاكمی ئهو دهوڵهته؟ مهگهر ئهو ههزاران كۆچبهرانهی ڕۆژانه بهبهردهوامی خۆیان به ئاوهكاندا دهدهن و زوربهیان دهخنكێن، ووڵاتیان نیه !؟ ئهی بۆ لێی ڕادهكهن ؟ ئهو خهڵكه چ له وولاتێك بكا ئایندهی خۆیی و نهوهكانی داهاتوی نهك مسۆگهر نهبێ ، بگره بهبهردهوامی له ژێر فشاری برسی كردن و سهركوت و دڵه ڕاوكێ دابێ !
8 / 7 / 2017
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
