Skip to Content

ده‌وڵه‌تی سه‌ربه‌خۆ … سه‌باح شێخانی

ده‌وڵه‌تی سه‌ربه‌خۆ … سه‌باح شێخانی

Closed
by ته‌مموز 17, 2017 General

پێویسته‌ وه‌كو نه‌ته‌وه‌ی كورد، پێداگیری له‌سه‌ر ئه‌وه‌ بكه‌ین كه‌ به‌هیچ شێوه‌یه‌ك له‌ مافی خۆمان خۆشنابین و به‌ كه‌متر له‌وه‌ رازی نه‌بین تاكو له‌ مافدا یه‌كسان ده‌بین له‌گه‌ڵ هه‌موو گه‌ل و نه‌ته‌وه‌كانی دیكه‌ی دونیا.
پرسی سه‌ربه‌خۆیی مافی هه‌موو گه‌ل و نه‌ته‌وه‌یه‌كه‌، بۆیه‌ كوردیش وه‌ك نه‌ته‌وه‌یه‌ك، له‌ هه‌ر پارچه‌یه‌كی كوردستان ده‌توانیت ریفراندۆم بۆ دیاریكردنی مافی چاره‌ی خۆنووسین بكات، جاڕدانی سه‌ربه‌خۆییی كوردستان بۆ گه‌لی كورد بووه‌ته‌ ئه‌مری واقیع و ئیدی كۆمه‌ڵگه‌ی نێوده‌وڵه‌تیش به‌شیوه‌یه‌كی ناڕاسته‌وخۆ، له‌ بۆنه‌ی جیاوازدا، پێشوه‌خته‌ ئاماژه‌یان به‌ سه‌ربه‌خۆییی كوردستان داوه‌. ڕیفراندۆم له‌ ئاسته‌ گشتییه‌كه‌یدا، مافه‌، چونكه‌ ئێمه‌ هه‌ڵگری هه‌ر ئایدۆلۆژیا و بیروباوه‌ڕێك بین، دواجار له‌وه‌دا هاوبه‌شین كه‌ كێشه‌یه‌كی مێژوویی له‌مێژینه‌ و دوورمان هه‌یه‌.

دامه‌زراندنی ده‌وڵه‌تی سه‌ربه‌خۆ نه‌ موزایه‌ده‌‌یه‌ و نه‌ پڕۆپاگه‌نده‌ی كه‌سی و حیزبی، له‌ ئێستادا دامه‌زراندنی ئه‌و ده‌وڵه‌ته‌ بۆ پاراستنی ژیان و شكۆی گه‌لی كوردستان ئه‌ركێكه‌ له‌ ئه‌ستۆی هه‌موومان، كاتی ئه‌وه‌ هاتووه‌ تاكی كوردستانی خۆی یه‌كلایی بكاته‌وه‌، ئایا له‌گه‌ڵ ئه‌وانه‌ ده‌بێت كه‌ ده‌یانه‌وێت بڕیاری سه‌ربه‌خۆییی و دامه‌زراندنی ده‌وڵه‌تی سه‌ربه‌خۆ بده‌ن و خوێنی شه‌هیدان و قوربانی گه‌له‌كه‌مان به‌ فیڕۆ نه‌ده‌ن، یان له‌گه‌ڵ ئه‌وانه‌ ده‌بێت كه‌ دژی ده‌وڵه‌تن و هه‌ندێكیان به‌و په‌ڕی بێشه‌رمی و به‌ بێ ترس له‌ یاسا ماوه‌یه‌كه‌ بانگه‌شه‌ی به‌ هه‌رێمكردنی سلێمانی ده‌كه‌ن، بۆچی ده‌ڵێن هه‌رێمی سلێمانی دروست ده‌كه‌ین، با به‌ئاشكرا بڵێن ئێمه‌ له‌گه‌ڵ عێراقی مالیكیداین و دژی ده‌وڵه‌تی سه‌ربه‌خۆیین.

هه‌موو ئه‌و گۆڕانكارییانه‌ كه‌ له‌م ماوه‌یه‌دا روویان داوه‌، رێگه‌خۆشكه‌رن بۆ ئێمه‌ی كورد كه‌ ئیتر ده‌رفه‌ته‌كان له‌ده‌ست نه‌ده‌ین، چونكه‌ به‌ له‌ده‌ستدانی ده‌رفه‌تێكی وه‌هادا، چه‌ندان ساڵ ده‌مانباته‌وه‌ دواوه‌، شێخی سه‌عدی جوانی فه‌رمووه‌: “هه‌موو باشن به‌ڵام نه‌ بۆ هه‌موو كارێك” بزاڤی رزگاریخوازی هچ گه‌لێك بێ گه‌وره‌ و سه‌ركرده‌ نه‌بووه‌ و نابێت، له‌و بارودۆخه‌ سه‌خت و هه‌ستیاره‌ش بۆ ڕێبه‌رایه‌تیكردنی سه‌ربه‌خۆییی كورستان كه‌س له‌ جه‌نابی سه‌رۆك مه‌سعود بارزانی، سه‌رۆكی هه‌رێمی كوردستان شیاوتر نییه‌، ئه‌وه‌ی سه‌رۆك بارزانی بۆ كورد و دۆزی ڕه‌وای گه‌لی كوردستان كردویه‌تی، هیچ سه‌ركرده‌یه‌كی دیكه‌ی كورد نه‌یكردوه‌، با هه‌مووان ده‌ست له‌ناو ده‌ست هه‌نگاو بنێین به‌ره‌و سه‌ربه‌خۆیی و ده‌وڵه‌تی كوردستان.

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish