ڕۆژێک کە نامەوێ بڕوا.. نەوزاد بەندی
Closed
ئەڵێم ..
ئەو ڕۆژەیشی کە من و تۆ
پێکەوە پیاسەیەک ئەکەین ،
وەک ڕۆژەکانی تر ئەڕوا ..
با ئەو پیاسەیه هەر نەکەین ،
ئەو ڕۆژە خۆشە ، با نەڕوا ..
ئەو کاتەی کە سەفەر ئەکەین ..
لە کەناری دەریایەکا
لەگەڵ ئێوارە ، نان ئەخۆین …
ئەویش ئەڕوا ..
کە ڕۆیشتیش ،
قەت ناپرسین کوا ..
دە با ئەو سەفەرە نەکەین
ئەو نان و کەنار دەریایە ..
ئەو ئێوارەیە ، با نەڕوا ؟
٭ ٭ ٭
تەنها له شیعرا دەرکەوە ..
گەر بۆت لوا …
..
ـنەوزاد بەندی
