Skip to Content

کتێبی ( شاعیر دەمرێت شیعر نا) چاپ و بڵاوکرایەوە

کتێبی ( شاعیر دەمرێت شیعر نا) چاپ و بڵاوکرایەوە

Closed
by كانونی یه‌كه‌م 2, 2022 Books, General

کتێبێکی دیکەی سەدیق سەعید ڕواندزی، بە ناوی (شاعیر دەمرێت شیعر نا) چاپ و بڵاوکرایەوە. ئەم کتێبیە، لێکۆڵینەوەیەکی شیعری درێژە، کە تیایدا نووسەر خوێنەوەی بۆ دەقی شیعری پاکانەی موزەفەر نەواب، شاعیری ئازادیخواز و کۆمۆنیستی عێراقی کردووە. لەو کتێبەدا، نووسەر قسە لە سەر چەمکی پاکانەکردن، پاکانە و لێکەوتەکانی، پاکانە لە نێوان کولتووری ڕۆژهەڵات و ڕۆژئاوا دەکات و ڕوونی دەکاتەوە کە پاکانە لای ئێمە، کردەوەیەکی قێزەوەن و ڕەتکەرەوەیە و کەسی پاکانە کردوو، فڕێ دەدرێتە دەرەوەی بازنەی کۆمەڵایەتی ژیان. هەر لە درێژەی نووسینەکەدا، نووسەر باس لە دیوە شاراوەکانی ئەو دەقە دەکات و وەڵامی ئەو پرسیارە دەداتەوە کە بۆچی دایک و خوشکەکە، هێندە بە تووندی بە گژ براکەیان دا دێن و نایانەوێت پاکانە بکات؟ ئەمە وێرای ئامادەیی ژن لەو دەقەدا، کە نووسەر هۆکارەکانی خستۆتە ڕوو، لە کاتێکدا نەواب لە شیعرەکەیدا، هیچ ڕۆڵێکی بە کوڕەکە و باوکیشی نەداوە، تەنێ دایک و خوشکەکە دەدوێن. شایەنی ئاماژە کردنە ئەمە شەشەمین کتێبی نووسەرە، کە لە ماوەی ئەو دوو ساڵەدا، دەکەوێتە بەردیدەی خوێنەران.

mm

سەدیق سەعید ڕواندزی، لە ساڵی 1972 لە شارۆچکەی ڕواندز لە دایکبووە. خوێندنی سەرەتایی و دواناوەندی هەر لەو شارە و ساڵی 1993 _1994، بەشی کوردی _ پەیمانگای مەڵبەندی مامۆستایانی لە هەولێر تەواو کردووە. هەر لە ڕواندز دەژیت و خولیایەکی گەورەی بۆ کتێب و خوێندنەوە هەیە و زۆرجاریش وەک خوێنەرێک سەرنجەکانی لە بارەی پرس و بابەتە ئەدەبی و ڕۆشنبیرییەکان و کتێب و تێکست دەخاتە ڕوو.

Previous
Next
Kurdish