Skip to Content

شیعر\ ناڵەی شەو.. کەماڵ رازی

شیعر\ ناڵەی شەو.. کەماڵ رازی

Closed
by كانونی یه‌كه‌م 26, 2022 General, Poems

بە ئیجازەی حەزرەتی(( نالی ))

دڵ گیرۆدەی ئازار و ژانە ئەم شەو
لە دیدەی من بەخوڕ بارانە ئەم شەو
کەژینم ئەسیری دەردی دووریە
قەڵای بیرم پاکی وێرانە ئەم شەو
کەسەدای دێ دەنگی هاوارم وەک نەی
ڕەنگی سورم ئەمێستا ڕەنگی وەک بەی
فەلەک سەبرم نەما سەبر هەتاکەی
کە گریەم بۆ یادی جارانە ئەم شەو
ڕەفیقانم وەرن ببینن حاڵم
بەچەشنی مەلی تەریوی یەک باڵم
تازە لەدەستم دا جوانی و کەماڵم
کەلەدەست چوو زادەی هیجرانە ئەم شەو
گەردەپرسن وەزعی بێ وەزعی بەندە
هێندە تاڵە بەچەشنی چای بێ قەندە
کەدڵ لەقەفەزی سینەدا بەندە
دوور لە ویصاڵی ئازیزانە ئەم شەو
توخوا مەچن بۆناو گوڵزار بەبێ من
مەچنە ژووان بۆلای دڵدار بەبێ من
مەچننەوە گوڵی بۆندار بەبێ من
کەدڵی من دوور لەسەیرانە ئەم شەو
کەنەگەشتم نەهاتەدی ئاواتم
پڕنشێوە ڕێگەی دوری نەجاتم
بۆسەردانم توخوا وەرنە ساباتم
کە لانەی دوایم گۆڕستانە ئەم شەو

——————

کەمال ڕازی

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next