Skip to Content

شیعر\ بیرەوەری.. سەلام عومەر

شیعر\ بیرەوەری.. سەلام عومەر

Closed
by كانونی دووه‌م 24, 2023 General, Poems

ئێستا ئەو چیرۆكەم لەبیرە
كە دایكم پێیدەخەواندم
وەلێ‌ ئەو لانكەم بیر نییە
كە بۆ خەوتن رایدەژاندم


ئەو فرۆكەشم لەبیرە
خانەوادەكەی تاساندم
ئەو سیمایەش دەناسمەوە
دەسبیحە رەشەكەی پساندم


خۆ ئەو جاشەش لەبەرچاومە
كە ئێستا پێیدەڵێن دێرین
وەك ئەو پێشمەرگە كۆنانەی
خەریكی چنینەوەی پیرین


بیرەوەریم وەك زنجیرە
شەوانە خەوم دەپسێنێ‌
وەك ئەو چۆڕە ئازادیەی
كۆنەیەك دێ‌ و لێمدەستێنێ

Previous
Next