شەش بروسکە شیعر.. هێدی گەڵاڵی
Closed
نهێنی
من نازانم
شنەبای عیشق
لە کوێوە دێ و بۆ کوێ دەڕوات
تۆش وەکو من
عیشق نهێنیەکە کەس پەی پێ نابات
گرێبەست
وتم :
با ئاشتببینەوە و دانیشین
وتی : بۆ کاری سیاسی
وتم : نا
ئەی لە پێناو کارکردنی کاری پەرلەمانی
وتم : نا
ئەی لە پێناو کاری حکومی
وتم : نا
ئەی پێم ناڵێیت لە پێناو چی ؟
وتم : لە پێناو واژۆکردنی
گرێبەستی خۆشەویستی….
نیگا
دوا نیگای
ئاوردانەوەی چاوی خۆر لە سیمای شار
وەک ؛
دابڕانی دوو عاشق وایە
کە خۆشەویستیان بۆ یەکتر زیاد دەکات
هەرچەندە ئازاری ڕۆحییش دروست دەکات!
یەکسان
من چیم هەیە لە دنیادا
تەنیا دەفتەرێک وشە و
گەڕیدەیی نەبێت
کەواتە ؛
منی ئێستا و منی دوێنێ و منی داهاتوو
یەکسانین بە یەک
مەرج
دەڵێن : ژیان چاوتروکانێکە و
دێت و دەڕوا
لەگەڵ تۆ بم ئەو ژیانە هەڵدەبژێرم
بەو مەرجەی پێکەوە بین.
دووری
دەردی دووری
وەک شێرپەنجەی دڵ وایە
چون نازانیت کەی دەتکوژێت!
وە نازانیت کەی کۆتایە!
