منێک کە قەت قەت من نەبووم.. نەوزاد بەندی
Closed
ئەو شیعر نەبوو ، شیعریش بوو ..
نەمئەنوسی و ئەیشمنوسی ..
ئەو هەور نەبوو ،
هەوریش بوو …
بەس کە ڕۆی ،
نەگەڕایەوە ..
بە دیار چڵێ چاوەڕوانییەوە ،
جار جار ..
فرمێسک ئەهات و..
نەیشئەهات ..
لە دیار جۆگەیەکی تەمەن ..
ئەمدی ئەو نایەت و ..
ئەیشڕوات ..
تاکە شت کە لێت وون نەبوو ..
من بووم ..جار جار
منیش نەبووم ..
منێک بەردەوام فیشەکی ئەناردە
مەیدانەکانی جەنگی
چەند ساڵەی نێوانمان ..
منێکی تر ، وەفدی دانوستانی ئەنارد ،
بۆ گەڕانەوەی جارانمان ..
تۆ ڕۆیشتیت و
من ئاوڕم نەدایەوە ..
شەڕ دوایی هات ..
جارانیش نەگەڕایەوە ..
ــنەوزاد بەندی ـــ
