کێشەی تۆ نییە… شیعری: تۆماس دی – و: گۆران عەبدوڵڵا
کێشەی تۆ نییە،
ژن و پیاوێکی بەتەمەن لەو سەری شەقامەکە
دوو پیاو لێیان دەدەن و کیسە باخەڵەکانیان لێدەدزن
کێشەی تۆ نییە،
هەرزەکارێک بە کەلەپچەکراوی لە پشتەوەی ئۆتۆمبێلێکی پۆلیسدایە
بە دۆلاری باج دەرەانی ئەم دەسەڵاتە ڕەیپکراوە، بەڵام هیچیشیان لەگەڵدا ناکرێت
ئەوەش کێشی تۆ نییە
کارکردن لە ئەمازۆنی دووەم بە تەواوی کات،
ژیانکردنیش بە فوود ستامپ، بەڵام سەرۆکە ملیاردێرەکەت نایەوێت ئمم
کێشەی تۆ نییە
ژیانکردن لەسەر شەقام، ئەو شوێنەی تۆ پێی دەڵێی ماڵ،
پلەی گەرما دابەزیوە بۆ ژێر پلەی چل
چادرەکەت دەدزن و ژورێکیش نییە لە شەڵتەر بۆی بڕۆی،
ئەوەش کێشەی تۆ نییە
خێزانەکەیان هەموو کوشت،
بەرگری لە خۆیکرد، ئێستا ئەو کراوە بە دوژمنی دەوڵەت،
بەڵام بەرگریکەرانی ئازادی بۆ هەمیشە هاوڕێی منن،
کێشەی تۆ نییە
بێ بەڵێنی و شاردنەوەی بەڵگەکان لە بیری بێ بندا،
فرۆشتنی سەرچاوە سروشتێکان بۆ دەسکەوت و قازانجی زۆر،
دۆخێکی کارەساتبارە
نەمدەزانی ئەم خوێنمژە زیاتر دەروات لەوەی من دەیبینم،
بڵێی پارەیەکمان هەبێت بۆ ژیان و خوێندن؟
ئەی چی بۆ کار و شوێن و ژیانێکی شیاو بۆ هەمووان!
گەورەترین بودجە بۆ هێزی سەربازی
ئەوە دەبینین کە چۆن کێشەکان گڕیان تێبەردەبێت
دەوڵەمەندەکان بۆ حەوانەوە دەچنە ڤێگاس
هەژارەکان ژێر زەمینەکانیان بە کرێدەدەن،
بۆ بەدەستهێنانی داهاتێک لە قورگی شێردا،
گومانم لێدەکەی؟
سەر هەڵبڕە
کێشەی تۆ نییە
هەموو ئەم سیستمە تێداچووە.
سەرچاوە:
https://allpoetry.com/ThomasD
Goran Abdullah
نووسەر و رۆژنامەنووس نەوزاد مدحت ناسراو بە (گۆران عەبدوڵڵا) لە شاری کەرکوک لە دایک بووە خوێندنی لە( ئامادەیی ثورە) تەواو کردووە، دوواتر لە پەیمانگای هونەری موسڵ بەشی موحاسەبە وەرگیراوە. بەهۆکاری نەچوونە جەیشی شەعبی لە دووا قۆناغ فەسڵکرا. وەک کەسێکی سیاسی و ناڕازی درێژەی بە کاری سیاسی خۆی دا، لە پاش ڕاپەڕین لە شاری هەولێر یەکێک بووە لە دامەزرێنەرانی یەکێتی بێکاران و ئەندامی دەستەی نووسەرانی رۆژنامەی( دەنگی بێکاران) بووە تا ناوەڕاستی ساڵی ١٩٩٥. لە ١٩٩٦ ەوە نیشتە جێی وڵاتی کەنەدایە. لە ١ی حوزەیرانی ٢٠٠٢ وە ماڵپەڕی دەنگەکانی(www.dengekan.com) وەک رۆژنامەیەکی ئەلیکترۆنی رۆژانە دامەزراندووە وە تا ئێستاش بەردەوامە. لە ٢٠٠٥ بەشی وێب پەیج دیزاینی لە (Durham computer & Business college) تەواوکردووە.
