Skip to Content

خوێندنەوەیەک بۆ ڕۆمانی مامۆستای پیانۆ.. نووسینی: یوسف ئیسماعیل ( کـاتـۆفـیک )

خوێندنەوەیەک بۆ ڕۆمانی مامۆستای پیانۆ.. نووسینی: یوسف ئیسماعیل ( کـاتـۆفـیک )

Closed
by ئازار 1, 2023 General, Literature


ناوی کتێب: مامۆستای پیانۆ
نووسینی: چیستا یەسربی
وەرگێرانی: سەروەر عومەر
ژانەر: ڕۆمان
لاپەڕ: پێکهاتووە لە ١٥٠ پەڕ

سەرەتای ڕۆمانکە کە پێم باش بوو چەند دێرێکی بۆتان بنوسم:
گەردەلوول بوو، بێگومان هەمووتان پێدەکەنن لەو زریانی نوحەدا کە خەریک بوو هەمووان تەپوتۆزی دنیای دەکرد بەسەر دەموچاومدا، بە پێڵاوی پاژنەبەرزەوە دەرگا بە دەرگا بەشوێن ناونیشانێکدا دەگەڕام. کە هیچ کەس تا ئێستا ناوی نەبیستبوو، وەک بڵێی ناونیشانێکی سەر هەسارەی مەریخم داواکردبێت!!

چیستا یەسربی: شاعیرونووسەرێکی ئێرانیە ساڵی ١٩٦٨ز لەدایک بووە بەرهەمی ئەدەبی زۆری هەیە وە هەروەها دەرچووی بەشی دەروونناسیە.
گەر بێین و باسی ڕۆمانی (مامۆستای پیانۆ) بکەین بەڕۆمانێکی دەروونی لەقەڵەم دەدرێ، کە لە سیازدە بەش پێک دێت. ڕۆمانکە باس لە دوو ئافرەت دەکات کەماوەیەکی زۆر پێکەوە ژیاون دواتر لە یەکتر دادەبڕێن و یەکێکیان شوو دەکات پاش ماوەیەک کۆچی دواییدەکات، کوڕێک لە دوای خۆی بە جێدەهێڵێ و لەگەڵ باوکی دەژی.
ئافرەتەکەی تر پیاوەکەی لێی جیادەبێتەوە وڕوو لە وڵاتی ئەمریکا دەکات، ئەم ژنە دەبێتە خاوەن کچێک بەبێ ئەوەی ئاگاداری یەکتر بن، کچەکە وکوڕەکە لە ڕێگای ئینتەرنێت یەکتری دەناسن و زۆربەی شەوان لەگەڵ یەکتر دەدوێن. دایکەکە دەیەوێ نهێنی ئەمە بزانێ سەردانی فێرگەی مۆسیقا دەکات و بە بیانوو مامۆستایەک بە کرێ دەگرێ بۆ فێربوونی پیانۆ. بەڵام مامۆستاکە دووچاری نەخۆشیەکی سەیر دەبێ و لە ماڵەوە دەکەوێ و ناتوانێ، بەم شێوەیە بەم ڕووداوە زۆر بابەتی نێوان ئەم دوو خانەوادەیە ئاشکرا دەبێت نەخۆشیەکەی مامۆستای پیانۆ و ڕەفتاری سەیری دایکی کچەکە، زۆر نهێنی ئاشکرا دەکات لێرە بەدیاردەکەوێ حاڵەتی دەروونی و هەڵسوکەوتی کەسایەتیەکان بە تایبەتی ئافرەتەکە هەندێ دیاردە دەکەونە بەرباس ولێکۆڵینەوە.
لێرەدە سەدەیک دێتە باسەوە کە سەدەی چاتی پێی دەڵێن، ئایە بۆچی چات ئەوەندە گرنگە و خەلکی گرنگی پێ دەدەن، ڕستەکی نێو ڕۆمانەکە کە گەلێک سرنجی ڕاکێشاوم بۆتانی بخوێنمەوە، هەڵبەتە زۆرتی تری تێدایە.
ووتم: چاوەرێ دەبێت تا سەردەمی بەرزەخ تەواو بێت و قیامەت بێت.
ووتی: بەرزەخ چییە؟!
ووتم: منیش بە وردی نازانم، شتێکە لە نێوان ئەم دنیا و ئەو دنیا، ڕەنگە جۆرێک بەسەرکردنەوەق یادەوەرییەکان…….
لە لاپەڕە ٧٧ی ڕۆمانی مامۆستای پیانۆ.
هەڵبەتە زیاتر بە شان و باڵی ئەم ڕۆمانە هەڵنەدەن چونکە ڕۆمانێکی دڵتەزێنە و پێویستە تۆ خۆت خوێنەری بیت و بزانی ئەم ڕۆمانە چەندە گرنگە، تۆ لەوانیە لە خوێندنەوەی بە کۆمەڵێک مەبەست و پرسیاری یەکجار سەیر لە مێشکدا بخولێنەوە.

نووسینی: یوسف ئیسماعیل ( کـاتـۆفـیک )
١/٣/٢٠٢٣ باشووری کوردستان – هەولێر

Previous
Next
Kurdish