دراوسێ تازهكهمان … نوسینی:زینب منعم
چهپكێك گوڵم بهدهستهوه گرت و خهریك بوو له خۆشیاندا باڵم دهگرت.چونكه دایك و باوكم ڕێگهیان پێدام كه لهگهڵیاندا بچم بۆ ماڵی دراوسێ تازهكهمان بۆ بهخێرهاتنیان ،چونكه ئهوانیش له ههمان باڵهخانهدا دهژیان .زۆر دڵخۆش بووم چونكه دایكم ئاگاداری كردم كه ئهوانیش كچێكیان ههیه كه له تهمهنی مندایه.منیش له خهیاڵی خۆمدا وتم ئیتر لهمهو دوا لهگهڵ ئهودا یاری دهكهم له جیاتی ئهوهی كه به تهنیا لهماڵهوه بمێنمهوه.چونكه ههمیشه به تهنیایی ههست به بێزاری دهكهم.گهیشتینه ماڵی دراوسێكهمان ،روم كرده ئهو كچهی كه دایكی بانگی دهكرد(ههنی)،چهپكه گوڵهكهم پێشكهش كرد زهردهخهنهیهك گرتی و چهپكه گوڵهكهی لێوهرگرتم.لوتی له گوڵهكان نزیك كردهوه تا بۆنیان بكات ئیتر له گۆشهیهكدا داینا و به بێ دهنگی مایهوه.له لایهوه دانیشتم و كهوتمه قسهكردن له گهڵیدا و باسی یارییهكانم و قوتابخانهكهم و بهرنامه خۆش و بهسودهكانی تهلهفزیۆنم بۆ كرد.ههموو ئهمانهم وت كهچی ئهو ههر بێدهنگ بوو.بهس زهردهخهنهیهكی دهكرد و سهری رادهوهشاند و دهنگێكی لێوه دههات كه لێی تێنهدهگهیشتم.لێم پرسی چییه؟سهر لهنوێ ورتهیهكی لێوههات و زهردهخهنهیهكی كرد.داوام لێكرد كه قسه بكات.جارێكی تر ورتهیهكی لێوه هات و قسهی نهكرد.ههوڵمدا كه باڵی بگرم تا بمبات بۆ ژورهكهی خۆی تا یارییهكانی ببینم.كهچی توڕهبوو دهستی كرد به گریان.لهو كاتهدا دایكم و دایكی ههنی لێم نزیك بوونهوه و داوایان لێكردم كه كهمێك لهسهرخۆ بم.چونكه ههنی ناتوانێت بهپێوه بوهستێت و ناشتوانێت كه قسه بكات.ئهو تهنها ورتهیهكی لێوه دێت و زهردهخهنهیهكی بۆ دهكات .كاتێكیش بێزاری بكهن توڕه دهبێت.بهههرحاڵ ههنیم به نامۆیی بینی ،بهڵام رۆژ دوای رۆژ فێربووم كه چۆنه و سروشتی چۆنه.ئهمڕۆ زۆرم خۆشهوێت .ئێستا باشترین هاوڕێمه .خۆشم دهوێ به نامۆییهكهیشیهوه،خۆشم دهوێت كاتێك كه ورته ورت دهكات،خۆشم دهوێت كاتێك زهردهخهنه دهكات.ههتا كاتی توڕهبوونهكهیشی خۆشم دهوێت.
نوسینی:زینب منعم
العربی الصغیر ژماره 273 ساڵی 2015
وهرگێڕانی بهدهستكارییهوه:عهلی حهمهڕهشید بهرزنجی
