نامەی سپیدە قلیان لە زیندانی ئەوینەوە بۆ وتەبێژی دەسەڵاتی دادوەری
قوربانیمان نەداوە بۆ ئەوەی سازش بکەین!
“بە ناوی خودای پەلکەزێڕینەوە”
تەنیا چوار کاتژمێر بەسەر دەرچوونەدەرەوەم لە زیندانی ئەوین تێپەڕی بوو و تەنیا چوار کاتژمێر شاهیدی شەقامی دوای “ژن، ژیان، ئازادی” بووم. تەنانەت نیوەی ڕێگای بەرەو ماڵەوە چونیشم نەبڕی بوو کە لەسەر ڕێگا دەستگیرکرام و ڕەوانەی گرتوخانەی ئەوین زیندانی ژمارە ٢٠٩ کرام. لەم ماوە کورتەدا، لە هیچ بەکەم سەیرکردن و سووکایەتییەکمبەرانبەرم قوسوریان نەکرد. بە توندی ئەشکەنجەو ئازاریان دام.بە گوتەی خۆیان “کەرکوژیان” کردم. پیاوێک لە ڕاڕەوی “٢٠٩” هەڕەشەی ئەوەی لێکردم کە دەستدرێژی دەکاتە سەرم. وتی دەست و قاچت دەبەستین و زۆر باش حسابەکەت یەکلایی دەکەینەوە. لەڕاستیدا، ڕەهەندەکانی “وردبینی” لە چەند دە هەزار دەستگیرکراوی بزووتنەوەی “ژن، ژیان، ئازادی”شدا چ لە ژوورە تاریکەکانی تاوانەکانی چوار دەیەی ڕابردودا و چ لە پرۆسەی دادخوازیدا جێگەیەکی تایبەتی هەیە… بەڵام ئەوەی کە ڕوونە: بەڵێنی ئێمەیە، هێشتا لەجێی خۆیدا ماوە. “ئازادی” نادرێت، بەڵکو دەسەنرێت و من، سپیدە قالیان، لەلەسەر ئەو بەڵێنەی کە بەخەڵکی گیان لەسەر دەستی ئێرانمداوە ماومەتەوە.
من ناڕۆمە دادگایەکی نمایشی بەسەرۆکایەتی کەسێک کە واژۆی حوکمی لەسێدارەدانی شۆڕشگێڕانی کردووە، هەروەها هیچ ڕەوایەتیەک نە بۆ دادگا فەرمی و نمایشییەکانیان ، نە بۆئەو بڕیارانەی دەری دەکەن قایلم، و بە ڕوونی ڕایدەگەیەنم، تا ئەو کاتەی حکومەتی سێدارەی ئیسلامیی لە دەسەڵاتدایە و هەتا “دەرکەوتنی بەهاری لەخۆبردوەکان” و ئەوانەی ناڕەزایەتی دەربڕدەبڕن لە بەرامبەر بە ستەمکاریدا، بارمتەی حکومەتی ئیسلامی وفەرمانی دادگا ڕاسپێردرا و نادادپەروەرن ،بەشداری لەهیچ دادگایەکدا ناکەم… بەهیوای ڕوخانی زوحاکی زەمانە.
سێپیدە قالیان زیندانی ژنانی بەندیخانەی ئەوین
وەرگێڕانی :کاوە عومەر
