Skip to Content

لەشفرۆش.. لە فارسییەوە: شوان عەباس بەدری

لەشفرۆش.. لە فارسییەوە: شوان عەباس بەدری

Closed
by نیسان 16, 2023 General, Poems

‎ژنێكی لەشفرۆشم
‎لە ناو كۆڵانە تەنگە بەرو تاریكەكانا
‎بۆنی شەهوەتی پیاوەكان
‎مووی لەشە ڕووتەكەمی گرژكردووە
‎پەنجەرەیەكی كراوە ئەبینم كە لەو دیوییەوە
‎دیسان دەنگی هاوارەكانی ژنێكی لەشفرۆش
‎لە ناو پێكەنینی پیاوێكی داوێن پیس وون بووە
‎كەمێ لەولاتر كیژۆڵەیەكی ١٧ ساڵان
‎ساوەكەی خۆی فرێداوەتە ناو جۆگەلەی ئاو و
‎كورێكی ٢٠ ساڵانیش دەستی خستۆتە ناو گەڵی ژنێكی ٤٠ ساڵان
‎و ئەوەندە سەر مەست بووە هەر وەك بڵەیت جیهانی دووگیان كردووە
‎جگەرەكەم لە گۆشەیەكی لێوە شین بووەكەم دادەنێم
‎دیسان ئەم چەرخە نەفرەتییە لە دەستە لەرزۆكەكانم كەوتە خوارەوە
‎دەستسڕێكی سپی ، ڕەنگین بە خوێنێكی ووشكەوە بوو
‎لە لای چەرخە ژەنگاوییەكەمەوە ئەبینم و
‎نەستانە دەستدرێژییەكی پڕ ئازاری بێ كاندۆمم بیر ئەخاتەوە
‎هەموو گیانم تامی شیلك ئەدات
‎لە سووچێكی شەقامەكەوە پیاوێكی لەڕ و لاواز
‎شرینقەی حەسرەت لە ناو دەماری بێ غیرەتی خۆی دائەچەقێنێت
‎جگەرە چرچ و لۆچەكەم دادەگیرسێنم
‎من گەیشتوومەتە كۆتایی كۆڵانەكە
‎كۆتایی ژیان
كۆتایی ژن بوونم !

Previous
Next
Kurdish