عەشق لەقەفەسی پەراسوودا.. عارف کوردە
Closed
گەردوون..،
نەتەقیبووەوە
زەویش..،
درووست نەبووبوو
ئەوینەکەی من و تۆ
لەقەفەسەی،
پەراسووەکانی عاشقبووندا
چاویی ترووکاندو
بەتوونێڵی،
خۆشەویستیەکی ئەبەدیدا
شۆڕبووەوە..
هەنووکەش تێناگەم؟
بۆ بەهەشت یان دۆزەخ
لێ دەزانم،
نەخشەی ژیان،
لەوێوە کێشراوەو
کۆمۆنەی سەرەتاییش
لێوانلێو بووە، لەبەرائەت
لەو سەردەمە،
گۆشتی بەراز حەرام نەبوو
چوون ئێستا..،
گۆشتی یەکتریان ناخواردو
کێردەکەی قابیل و هابیلیان
لەهەسان نەدەسوو
چونکە ئەوان،
لەمنداڵدانی هەورو و
قیژەی باوە..،
لەدایک بوون.
عارف کوردە
