گرینگی و واتای ئازادی.. سامان خدر محمد
ئازادی دۆخێکە کەوا هیچ بەربەستێک ڕێگر نابێت لەبەردەم ئیرادەی مرۆڤ بۆدەربڕینی شتێک یاخود گەیشتن بەئامانجێک.
هەروەها ئازادی دابڕانە لەدۆخێک یان پەیوەندیێک کەوا حەزی پێناکەین، بەڵام ئەو کۆتو بەندانەی کە بەئارەزوی خۆمان قبولی دەکەین، بەدژی ئازادی ئەژمار ناکرێن. هەوەها سەبارەت بە بۆچونەکان دەربارەی ئازادی ئەوا جیاوازە، هەندێک پێیان وایە کە مرۆڤ هەرکاتو لەهەر شوێنێک مافی خۆیەتی هەرشتێک بیەوێ بیکات، بەڵام هەندێک تر پێیان وایە کە ئازادی، سنوری خۆی هەیەو نابێت ببەزێنرێت.
ئازادی وه‌ک یه‌کێک له به‌نده‌کانی جاڕنامه‌ی گه‌ردوونی مافه‌کانی مرۆڤ له کۆمه‌ڵێکدا به‌رجه‌سته ده‌بێت که ده‌ستوره‌که‌ی له به‌هاکانی مافی مرۆڤه‌وه هه‌ڵقوڵابێت، نەوەک دەستورەکەی بۆبەرژەوەندی چەند لایەنێک یاخود چەند کەسێک نوسرابێت.
بەگشتی لەکوردستاندا زۆر بەی بوارە جۆراو جۆرەکانی وەک، ڕاگەیاندن، سیاسی، ڕۆشنبیری ڕۆلێکی خراپیان گێراوە لە جێبەجێکردنی چەمکی ئازادی وەک خۆی، تابتوانن مرۆڤی ئازاد دروست بکەن بەمانا و شێوازی ئازادی وەک خۆی، نەک بەواتا تەسک و کورتکردنەوەی تەنها لەحەزو ئارەزووەکانی تاک.
هەربۆیە زۆر کەس و لایەن، خراپ لە واتای ئازادی گەیشتون بەهۆی ئەو بەهەڵەتێگەیشتنەی کە ڕاهێنراون لەسەری، بەتایبەت هەندێک لایەن واخەلکیان تێگەیاندووە کە ئازادی واتا بەڕەلایی و لادانی مرۆڤ، کەئەوە دورە لەڕاستی و گرینگی و واتای وشەکە.
هەروەها ئازادی نە دەسەنرێت و نەدەدرێت، بەڵکو ئازادی هەڵقوڵاوی ناخ و هزری مرۆڤەکانە، پێویستە مرۆڤ خۆی هەوڵی دۆزینەوەی بدات لەناخی خۆی دا.
گەیشتن بەئازادی وەک مافێک ،بەبێ قوربانی نابێت و کۆمەڵگەش بەبێ تاکی ئازاد پێشکەوتن بەخۆیەوە نابینێت و پێش ناکەوێت، هەربۆیە ئازادی لەهەمو رویێکەوە، سودی زۆری هەم بۆتاک هەم بۆ کۆمەڵگە هەیە.
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
