Skip to Content

پوولسالاری.. شیعری ستار ئه‌حمه‌د

پوولسالاری.. شیعری ستار ئه‌حمه‌د

Closed
by ئاب 14, 2024 General

دیوارێك و وێنه‌ی بتێك
مێزێك و هه‌شت گێره‌ شێوێن
دوازده‌ له‌قته‌و
یاری كردن به‌نه‌وت و خوێن
هه‌رێمێك له‌زڕه‌ی پاره‌
كۆمه‌ڵێك باده‌ نۆشكه‌رو
خه‌ڵكێك سایه‌ی بن دیواره‌
چوار پێنج كه‌ناڵ دزو ساخته‌
هاژو هوژی سه‌ر شاشه‌كان
سه‌فه‌ری وڵات و شاران
بێ حورمه‌تی و په‌یمان شكان
سه‌رقاڵكردنی پیرو كاڵ
دڵه‌ ڕاوكێ و چاوه‌ڕوانی
دوو كه‌رتی ئایینده‌ی گه‌لێك
ئه‌مڕۆ چاكتر له‌به‌یانی
وته‌ی چه‌ورو قسه‌ی قه‌ڵه‌و
دروشمی ئاڵ و ژه‌نگاوی
میلله‌تێكی په‌ست و نوستوو
خۆڵیان كردۆته‌ نێو چاوی
ئه‌مه‌یه‌ جیهانی ئه‌مڕۆ
ئاژانسی پاره‌ سالاری
گه‌ر قۆڵبڕو چاوچنۆکیت
لەکۆڕی خەباتا دیاری

ستار ئه‌حمه‌د

Previous
Next
Kurdish
Powered by TranslatePress