Skip to Content

بۆ مناڵان ….  عەلی حەمەڕەشید بەرزنجی

بۆ مناڵان …. عەلی حەمەڕەشید بەرزنجی

Closed
by تشرینی یه‌كه‌م 26, 2017 General, Kids Literature

ھۆنـــراوەیەکتان بۆ دەڵێم
وەک خۆتان ناسک و جوان بێ
بتانکات بە ھاوڕێی خەندە و
خەیاڵتان پێی فـــراوان بێ

@@@

لەناخەوە خۆزگە خـــوازبن
بیڵێنەوە بە گـــــــۆرانی
بتانخاتە دەریای خـــۆشی
مەلە بکەن بە ئاســـــانی

@@@

وشەکـــانی وەک فــڕۆکە
بۆ ئاسمانی خەیاڵ بڕوات
لەگەڵ دنیای حـەزەکانتان
ھەوری سپی تێر ماچ بکات

@@@

تا بارانی ئەوین و ســـۆز
بەڕوخسارتانەوە دیـاربێ
ئەوەندە ئاسودە و شاد بن
ھیواکـانتان پرشنگداربێ

@@@

بۆ بنیاتنانی کۆمـــەڵگە
ئێوە ھـــەمیشە بنچینەن
ھیوای دواڕۆژی ئەم گەلەن
لەداھاتوودا گــەنجینەن

@@@

٣١/١٢/٢٠١٦

Previous
Next
Kurdish