بڵێسەی ڕەوشەن.. شیعری شەهلا نوری
فریادی ڕەوشەنم
خۆم فەرامۆش کرد
گوم بووم
مینا مانگی هەلاب
کوا باخە هەنار!
ون بووم و
ون بوون
سەوزی و ساردو سڕی،
بەهاری جوانی تروکەتروکی حوسنی زیبای تەمەن
کاروانی هەڵبەست و بەزمی دڵان
ڕەنگێ سووراو ، بۆنێ عەتر، بەهارێ گۆڵ و گوڵزاران،
کوا جیلوەی چۆلەگە،
شنەو شەوبۆێ سەرشاخان
شادی بەرهەمی مانگە،
دووری ڕەز و نەمام و ڕەیحان .
کوا جوانی ئاڵ و واڵای بەرگی کوردی
ڕەوشەنی گەوهەر و گەشت ، ڕێ باخ وسەیران ،
بۆنی سروشتی دڵان
بۆر بوو
مەعلومە لێکدانەوەی بەس بوون فەرموودەی دڵ زاران!
قەڵەم و دەفتر دەرکەوتن
شیعر و دێڕەکان
نووسرانەوە
بە باڵای،
سەروای سورەتی شاعيران
بێداربونەوە
فەرامۆشی
زنجیرەی جاڕ و جوری زامەکان
نەمدەزانی دڵی شاعیرێکە
بە پەند بووە
بەدەست کاغەزو پاندان
یا بڵاوبوونەوەی زەخمی کۆنە
سەری هەڵدا و قۆڵپێکی دا
هەڵاوی پرخ و هوڕی
بڵێسەی گڕکان
شەهلا نوری
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
