دڵم پێگەی عەشقی تۆیە.. کاوە خەسرەو کاوانی

دڵم هەردەم پێگەی ئازادیخوازان بوو
كەچی ئێستا كۆیلەیەو بن دەستی تۆیە
تۆكەخۆت ڤینۆسی جوانیت، چۆن دڵی من
دەسوتێنی، كە دەزانی مەستی تۆیە
* * *
هەرچی هەمە دەیدەم بەتۆ، بێگومان بە
ئەم دڵەی من بۆعیشقی تۆ دەستەمۆیە
نەك تەنیا خەندەی سەرلێوان، ئەشكەكانیش
سەرچاوەكەی كانیاوەكەی عیشقی تۆیە
* * *
رقم لەداگیركاری یە، بەڵام خۆزگە
هەتا ماوم بەدەستت داگیركراوبم
كە تۆنەبیت، وجودی من شەوەزەنگە
سودی چیە لەبەرتیشكی خۆرەتاوبم

20/12/2009
kawa_kiwiny@yahoo.co.uk

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.