پانۆرامای چالاكییەكانی یەكێتیی نووسەرانی كورد- لقی هەولێر بۆ ساڵی 2025

یەكێتیی نووسەرانی كورد- لقی هەولێر، كە چالاكترین دەزگای ڕۆشنبیری و كولتوورییە لە كوردستان و سەرجەم عیراقیش، ئەویش بە كار و بەرهەمە جۆراوجۆرەكانی كە هەر هەموویان لە ئاستێكی بەرزی ڕۆشنبیریدا بووین، كۆڕ و سیمینارە ناوازەكانی بە بەردەوامی بوونەتە جێی گفتوگۆ و وتووێژی ئەدەبی و ڕووناكبیریی هەمەلایەنە، بۆیە بە بەردەوامییش زۆربەی بیرمەند و نووسەر و ڕۆشنبیران و ئەدەبدۆستان و نووسەر و خوێنەری سەرجەم لایەن و فیكرە جیاوازەكان، لە زۆربەی شارەكانی كوردستانی گەورە و عیراق و دەرەوەی وڵاتیش، بۆ كار و بەرهەمەكانیان، ڕوویان لەم دەزگا كولتوورییە گەورەیە كردووە و هەمیشە ئەوێیان بە ماڵی ڕاستەقینەی خۆیان زانیوە «ماڵی نووسەران». ئەم لقەی یەكێتیی نووسەرانی كورد، بە توانایەكی یەكجار كەمی ماددی، بەڵام بە بەخشندەیی و دڵسۆزیی سەرۆک و سکرتێری ڕۆشنبیری و دەستەی کارگێڕی، هەمیشە سەربەرزانە و لێبڕاوانە خزمەتی زمان و ئەدەب و فیكر و ڕۆشنبیریی كوردیی بەتایبەتی و ڕۆشنبیریی جیهانیی بە گشتی كردووە، بێ گوێدانە هەوڵی كۆسپ و لەمپەر دانان لەبەردەم ڕێڕەو و كارەكانی. سەرباری ئەوەیش هەمیشە لە كۆڕ و سیمینارەكاندا، نووسەر و بیرمەند و ئەدیبە ناودارەكانی نەتەوەكانی كوردستانیش لە توركمان و سریان و كلدان و ئاشوور، میوانداری کراون و لە خزمەتیاندا بووین، بەرهەمەكانی خۆیان لەم دەزگایە پێشكەش كردووە. هەروەها ئەم لقە لە بابەتی كۆڕ و سیمینارەكانیدا، ئاوڕی لە ئەدەبییاتی گەلانی جیهانیش داوەتەوە. كۆڕ و كۆبوونەوە و سیمینارەكانی ئەم لقە جگە لە ئەدەب كە ئەركە سەرەكییەكەی خۆیەتی، لە شیعر، چیڕۆك، ڕۆمان، ڕەخنەی ئەدەبی، دراما و شانۆنامە، ئەدەبی منداڵان؛ بایەخی زۆریشی بە چالاكییەكانی فیكر و فەلسەفە، بیرەوەریی كەسایەتییەكان، یادكردنەوەی نەمران بە بەرهەمەكانیان، هونەرە جوانەکان بە هەموو جۆرەكانیەوە، كۆمەڵناسی، زمان و زمانناسی، مێژوو، دەروونناسی، گەشتیاری، ئەدەبی فۆلكلۆری، ناساندنی گۆڤاری جۆراوجۆر، هونەری وەرگێڕان و زانستەكان داوە، بێگومان بەرهەمی بیری ئافرەتان و ژنان و گەنجانی كوردستان هەمیشە جێی بایەخی ئێمە بووە و بەردەوام لە چالاكییەكانماندا ئامادەیییان هەبووە.

لێرەدا ڕایدەگەیەنین كە سەرجەم ئەو كۆڕ و سیمینارانەی لە ساڵی ڕابردوو 2025، لقی هەولێری یەكێتیی نووسەرانی كورد، بە سەركەوتوویی بەڕێوەی بردوون، بریتین لە 96 كۆڕ و سیمینار لەو جۆر و لایەنانەی باسمان لێوە كردن. ئەمەیش بۆ یەك ساڵ ژمارەیەكی زۆرە و دەكاتە هەفتانە دوو كۆڕ و سیمینار. وا لە خوارەوەیش وەك بەڵگەنامەیەك سەرجەمیان تۆمار دەكەین.

لقەكەمان هێشتا بە گەرموگوڕیی زیاتریشەوە بەوپەڕی بێلایەنی لە خزمەتی وشە و زمان و ئەدەب و ڕۆشنبیریی كوردی، بەردەوام دەبێت.

داوا لە هەموو ئازیزان و میوانە بەردەوامەکانی لقەکەمان دەکەین لە پاڵپشتی و دڵسۆزییان زیاتر مکوڕ بن.

1- د. فەرهاد بەرزنجی- لەدایكبوونی عیسای مەسیح لە ڕوانگەی جینی و بۆماوەیییەوە.
2- ئەكرەم خامۆش- كۆڕی شیعری و بڵاوكردنەوەی دیوانی شیعر.
3- سمكۆ محەمەد- بڵاوكردنەوەی كتێبی گوناح و ئیمان.
4- عەبدولقادر سەعید- كۆڕێك لەبارەی ڕۆمانی باستیلی بچووك.
5- سەباح سابیر خۆشناو- ماركسیزم لە تەرازووی ژیری و زانستدا.
6- هیڤا پەناهی- ئەخلاق بەپێی فەلسەفەی ئەرستۆ.
7- عەدنان جومعە و سەلوا حوسێن عەلی- فی سماء الادب النسوی الكردی.
8- ئارام بامۆكی- (نامەكانی ئەوین)ی ستیڤان شەمزینی.
9- سەڵاح شێخ شەرەف- دەماری كوردایەتی لە شیعر و هەڵوێستی شێخ ڕەزای تاڵەبانی.
10- حەمەساڵح فەرهادی- بڵاوكردنەوەی فەرهەنگی هەوری.
11- فایزە سوڵتان- كۆڕی شیعر و بڵاوكردنەوەی دیوانی (لەسەر ئەم زەوییە میوانم).
12- شێرزاد قادر هەینی- بڵاوكردنەوەی كتێبی 100 وشە و 100 وێنە.
13- 55ەمین ساڵیادی دامەزراندنی یەكێتیی نووسەرانی كورد- ڕێزلێنان و یادكردنەوە.
14- محەمەد كەساس- كۆڕی شیعری و بڵاوكردنەوەی دیوانەكەی.
15- عەبدولخالیق یاقووبی- خوێندنەوە بۆ چیڕۆكی گۆران سەمەد (ڕووداوی گێڕانەوە).
16- سیمینارێك لەبارەی زمانی دایك بۆ فەرەیدوون سامان و نەوزاد پۆڵس.
17- حەمە عەباس- بڵاوكردنەوەی بیرەوەریی (وردەگەڵای بەر هەتاو).
18- د. عوسمان یاسین- هزر و هونەر و سۆفیگەری.
19- پەخشان كاكەوەیس- ئاوەزدروستیی ژنان و كاریگەریی لەسەر خێزان و كۆمەڵگە.
20- مەهداوی ئەحمەد داود- بڵاوكردنەوەی كتێبی (مێژووی كۆمەڵناسی و قۆناغەكانی).
21- د. محەمەد خدر مەولوود- ڕێوڕەسمی بڵاوكردنەوەی گۆڤاری ئەفراندن.
22- شەفیقی حاجی خدر- ناساندن و بڵاوكردنەوەی كتێبی (ئاوەزنامە).
23- سەباح هورمز- كتێبێك بە زمانی عەرەبی لەبارەی ڕۆمانی كوردی (جبل المراتی).
24- نەجمەدین عەزیز سمایل- بڵاوكردنەوەی بەرگی 12ی (خۆم و ئەستێرە گەشەكان).
25- عەدنان حەسەن- كۆڕێكی شیعری بە زمانی عەرەبی و پێشكەشكردنی دوو دیوانی شیعری.
26- ناساندنی دوو كتێبی ماڵی ڕۆشنگەریی كەمال سەعدی و ڕێزلێنان لە عەباس عەبدوڵڵا یووسف.
27- سەڵاح جەلال- لێدوان پێشكەشكردنی ڕۆمانی تابووتی پەیمانی خودا.
28- عەبدوڵڵا سلێمان مەشخەڵ- لێدوان و بڵاوكردنەوەی سێ كتێبی تازەی.
29- عەدنان بەرزنجی- لەبارەی گەشەی كەسایەتی و ستیگمە.
30- غەفوور مەخمووری- ڕێوڕەسمی بڵاوكردنەوەی نۆ كتێبی تازە چاپكراوی.
31- ئامانج غازی- گوێزانەوە و وەرگرتن و دزینەكانی میلۆدیی گۆرانی لەنێو گەلاندا.
32- د. ئیسماعیل شەمس- بووژانەوەی كورد لە سەدەكانی چوارەم و پێنجەمی كۆچی دا.
33- جەلال دەباغ- بڵاوكردنەوە و لێدوان لەبارەی حەوت كتێبی تازە چاپكراوی.
34- ڕێوڕەسمی بڵاوكردنەوە و لێدوان لە گۆڤاری (دنیای چیڕۆك)ی ماڵی ڕۆشنگەریی كەمال سەعدی.
35- محەمەد ساڵح پێندرۆیی- بۆچی منداڵ درۆ دەكات؟
36- هاوكار عەبدوڵڵا- سەلام ناوخۆش قەڵەمێك بە باڵای منارەوە.
37- باهۆز مستەفا- ناساندن و بڵاوكردنەوەی (شەڕی ناو كتێبخانەكەم).
38- شیرین كافی- كۆڕی شیعر خوێندنەوە.
39- زیاد ڕەشاد قادر- بڵاوكردنەوەی كتێبی (نامەی ئەدەبی).
40- یاسین رابیعە- بڵاوكردنەوە و ناساندنی (سەختییەكانی منداڵیم).
41- د. كەمال بێوار- كۆڕی شیعری و پێشكەشكردنی دیوانی شیعری.
42- فوئاد كەریمی- دەموچاوی داگیركەر، دەموچاوی داگیركراو- نووسینی: سارتەر.
43- فەتحی مەلا عەلی مودەریس- بڵاوكردنەوەی كتێبی (براسۆز) لەبارەی ڕوونەسەكان.
44- ئاوات مەلا ڕەسوول- خوێندنەوە و ناساندنی نۆڤلێتی (یاسەمین).
45- ڕێوڕەسمی بڵاوكردنەوەی گۆڤاری (دەنگارە).
46- سەعید مەموزینی- بیری چەپ لە كوردستان.
47- عەباس عەبدوڵڵا یووسف و سمكۆ محەمەد- كتێبی جیاوازییەكان.
48- ئازاد مەولوود- وەرگێڕانی شیعری جیهانی (ترۆپكی سروودەكان).
49- د. ئەحمەد شەریف- باسێك لەبارەی ڕەوانشاد جەوهەر غەمگین.
50- بەهرە موفتی- كۆڕی شیعری و پێشكەشكردنی دیوانی شیعری.
51- سالار كۆیی- مێژووی دێرینی كۆیە.
52- سەلام عومەر- كۆڕی شیعری و پێشكەشكردنی دیوانی (دەڕژێمە منداڵیمەوە).
53- ئێوارە كۆڕێكی شیعر و مۆسیقا بۆ شاعیرغەریب پشدەری.
54- د. نەجم ئەڵوەنی- باسێك لە ڕۆمانی (تارمایی و مێروولە سوورەكانی دایكم).
55- ڕێوڕەسمی بڵاوكردنەوەی گۆڤاری فۆلكلۆریی (ماڵی ڕەسەن).
56- نەسرین تەنیا- ڕاكشان لەپاڵ ئاگردا- بەسەرهات و چیڕۆكی ڕاستەقینە.
57- ڕێباز ئارام عەبدولڕەحمان- لەگەڵ ڕەگەزی بەرانبەر.
58- جوان عوسمان- كۆڕی شیعری و پێشكەشكردنی دیوانی شیعری.
59- نادر ڕۆستی- گەڕان بەناو شارستانییەتێكی ون لە كوردستان.
60- شوعەیب میرزایی_ ئێوارە كۆڕی شیعری.
61- نزار حنا الدیرانی- الوزن الشعری والحاقات المفقودە من سومر الی السریان، العرب، العبری، الكردی.
62- ئەحمەد گلی- بێدەنگی- بڵاوكردنەوەی كتێبێك لەمبارەیەوە.
63- ئیلیان جافەر كوردی- یەزدانییەت- بڵاوكردنەوەی كتێبێك لەمبارەیەوە.
64- نەجمەدین عەزیز سمایل- بڵاوكردنەوەی بەرگی 13 (خۆم و ئەستێرە گەشەكان).
65- ڕزگار ئەژی گۆران- كۆڕی شیعری و بڵاوكردنەوەی كۆمەڵە شیعری چاپكراوی.
66- ئازاد حەسەن گەناوی- گەنجینە- بڵاوكردنەوەی كۆبەرهەم.
67- ڕێكار ئەحمەد- زمانی پێوەر وەك پێداویستیی قۆناغەكە.
68- هەدیە عەلی عابد فەتاح- سیاوچەمانە و بونیادی كۆمەڵایەتیی هەورامان.
69- فایزە سوڵتان- ڕێوڕەسمی بڵاوكردنەوە كتێبی ( ئازابە و شیعر بنووسە)
70- ڤیان مەحموود زامدار- كۆڕی شیعری و پێشكەشكردنی كۆمەڵە شیعری خۆی.
71- هەورامان عەلی تۆفیق- ڕێوڕەسمی بڵاوكردنەوەی دوو كتێبی تازە چاپكراو.
72- نەسرین عەباس ئبیراهیم- ئێوارە كۆڕی شیعری و ناساندنی دیوانێكی تازەی.
73- شۆخ جەناب ڕەمزی- جەرگە گیان- نووسین و بابەتی كۆمەڵایەتی.
74- یووسف ڕەشید دەلۆیی- مێژووی شێوە جیاوازەكانی نووسین لە زمانی كوردیدا.
75- ئاشنا عومەر حەمە- ڕەهەندەكانی گۆڕانی چێژی ئیستاتیكی لە گۆرانیی كوردیدا.
76- ئەمیر شیت چەڵەبی- ڕووناكی یەكەم گۆڤاری شاری هەولێر.
77- عەلی عوسمان یاقووب- ڕۆمان و ئاڵنگارییەكانی بەردەم ڕۆمانی مێژوویی.
78- یادێكی شاعیری ڕەوانشاد سەعدوڵڵا پەرۆش.
79- ئەحمەدی مەلا- شێخ ڕەزای تاڵەبانی، ڕوانینم لە درزی قاپییەوە.
80- سەباح ڕەنجدەر- ئێوارە كۆڕی شیعر خوێندنەوە.
81- مودریك ژاڵی- كۆڕی شیعری و پێشكەشكردنی دیوانی شیعری.
82- محەمەد تەها حوسێن و سمكۆ محەمەد- بڵاوكردنەوەی كتێبی جیاوازییەكان.
83- نەسرەدین مەحموود ئەحمەد- بەرپرسیارێتیی مەدەنیی بەڕێوەبەری باركردن و گواستنەوە.
84- دڵشاد كاوانی- بڵاوكردنەوەی سێ كتێبی تازە چاپكراوی خۆی.
85- سەباح پیرباڵ قەساب- كۆڕی شیعری و بڵاوكردنەوەی دیوانی تازە چاپكراوی.
86- باڵوێز ئەلبێرت عیسا- موزیك پەیامی خۆشەویستی، موزیكی كوردی بە ئامێری عوود.
87- شێركۆ كرمانج- دیزاین و شارسازی و ژێرخان و پرسی نەتەوە و نیشتمانسازی.
88- سارا پەنایی- كۆڕی شیعری و بڵاوكردنەوەی دیوانی تازە چاپكراوی.
89- چاپووك سەید عومەر- سەمای مەرگ- بەسەرهاتی ڕاستەقینەی پێشمەرگایەتی.
90- داستان بەرزان- كۆڕی شیعری و بڵاوكردنەوەی كتێبی (قاوەی سووتاو).
91- جەمشید حەیدەری- سەردەمی نوێ و ڕۆژنامەگەریی كوردی.
92- دانا سەڵاحەدین شەریف- تەكنیكە زانستییەكانی هونەری سیرامیك.
93- ئازا حەسیب قەرەداخی- كۆڕی شیعر و مۆسیقا و بڵاوكردنەوەی دیوانی شیعری.
94- قەهار شێخانی- كۆڕی شیعر و مۆسیقا و بڵاوكردنەوەی كۆمەڵە شیعر.
95- ئازاد هیدایەت دەلۆ- ناساندن و بڵاوكردنەوەی ڕۆمانی (سەنگین).
96- دڵشاد تاقانە- بڵاوكردنەوەی كۆمەڵە شیعری (شیعردوێ).
یەكێتیی نووسەرانی كورد- لقی هەولێر

1-1-2026

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.