کاری پەرلەمانە کاتێک قەیرانێک دێتە ئاراوە کۆبونەوەی بەپەلە ئەنجام بدات.. جبار عبداللە مهاجر

دەیان و سەدان قەیران بەرۆکی ئەو وڵاتەی گرتووە کەس خۆی ناکاتە ساحێب و هەریەکەو بە کۆمەڵێک ئمتیازاتی حزبی پاڵکەوتون و وەزعی لەو پەڕی باشیە هیچ کەم و کوڕیێکی نیە، بگرە لە ڤێلاو ئۆتۆمبێلی ئاخیر مۆدێڵ و بەنزینی بە وەسڵ و موچەیێکی خەیاڵی، ئەویان بیرنایێت کاتێک پاڵێوراو بوون کۆڵان کۆڵان دەرگا بەدەرگا گەڕان و سوڕانیان دەکرد بۆ بەدەستهێنانی دەنگ بۆ ئەوەی سەربکەون و خزمەتی ئەو ملەتە بکەن، بەڵام بەپێچەوانەوە هیچ ئاگایان لە وەزعی هاوڵاتیان نیە و تەنها کار کە کردوویانە بەکارهێنانی زمانی تەشهیر و خۆ فەڕزکردنە، بەگشتی پەرلەمان شوێنی کۆبونەوەی چارەسەریەکانە ئەو چارەسەریانەی کە بونەتە گرفت لەبەردەم هاوڵاتیان و هاونشتیمانیان، ڕۆژانە لەسەر شەقام چەندان پرسیار دەکرێن لە دەسهەڵاتداران و کاربەدەستان، هەموو ئەو پرسیارانە ڕەوان و لەجێگای خۆیاندان، دەپرسن ئەگەر بەرزبوونەوەی دۆلار سیاسی نیە بۆچی بە تەوقەیەکی نێوان دوو بەڕێوبەری بانکی عیراقی و ئەمریکی دۆلار دەهەزار بۆ پانزە هەزار دابەزی، لەلایەکی تر هاوڵاتیان دەپرسن و دەڵێن” ئەگەر کاربەدەستان توانای بەرزکردنەوەی بهای دیناری عیراقیان نیە خۆ دەتوانن سنورێک بۆ بازرگانان و دوکانداران دابنێن کە بونەتە هۆی شێواندنی بازار و ترس دەخەنە نێو هاوڵاتیان بەوەی کە لەداهاتوودا ئەو بەرهەمانەی دەفرۆشرێن لەبازار دووبەرامبەر بەرزدەبنەوە، ئەوەی سەیر و سەمەرەیە بەشێکی کەل و پەلی بازار بەرهەمی خۆماڵیە هیچ پەیوەندیێکی نیە بەدەرەوە، بگرە ئەو بەرهەمانە گرانتر بوونە بەبەراورد بەو بەربومانەی کە لەدەرەوە هاوردە دەکرێن، پەڕلەمانتاران تاکەی لەماڵەوە سەیری ئەو قەیرانە یەک لەدوا یەکانە دەکەن کە ڕۆژانە هاوڵاتیان بەدەستیانەوە دەناڵێنن، پێویستە هەرچی زووە پەرلەمان کۆببێتەوە هندێ بڕیاری گرنگ و چارەنوساز دەربکات لەبەرژەوەندی هاوڵاتیان بێت نەک بەرژەوەندی حزبی، لەو ساتە وەختە پێویستە لایەنەکان بچنە ژێرباری یەکتری و قبوڵی یەکتری بکەن لەسەر هندێ لەو پرسانەی کە بونەتە بارگرانی بەسەر هاوڵاتیانەوە، ئەو پرسە تەنها بوسەر دەوڵەتی عیراق خەتەرناک نیە بگرە هەرێمی کوردستانیش بەو بارەدا تێدەپەڕێت و نابێت دەستەوەستان بن و هیچ کۆبونەوەیێکی گرنگ ئەنجام نەدرێن، ئەمجارەیان شەقامی عیراقی جوڵە بکات یاخود زەنگی مەترسی لێبدات ئابوری عیراق بەرە و داڕوخانی کۆتایی هنگاو دەگرێتەبەر، لەبنەڕەتدا حزبە عیراقیەکان بوونە هۆکاری سەرهەڵدانی ئەم دۆخە، قەیران و تەنگەژە سیاسیەکان بە چارەسەر نەکراوی مانەوە درێژەیان کێشا و تا ئەمڕۆیان بەرهەم هێنا، ئەگەر بیر لەوە بکەنەوە کە وڵات لە چ لێوارێکی داڕوخان دایە ئەوە بەبێ یەک و دوو هەوڵی چارەسەیان دەدا و دەبوونە ڕێگر لەبەردەم قەیرانەکان، هیچ هەوڵێکی جدی نەدراوە بۆ چارەسەر کردنی ئەو پرسە، مانەوەی ئەو دۆخە بەو شێوازە بە ئەگەرێکی زۆرەوە قەیرانی بێ حکومەتی ڕوو لە عیراق دەکات و ناچار دەبن ئەو حکومەتە هەڵبوەشێتەوە کە بەزۆرینەی شیعە و کورد و سونە پێکهێنراوە.

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.