غەزەل: شوعلەی سەرکێش.. شاعیر: ڕەهی معیری.. وەرگێڕانی لە فارسییەوە: شەهلا نوری
Closed
لالەم دی و ڕووی گەشی جوانی تۆم هاتەوە یاد،
شوعلەم دی و نازی سەرکێشیی تۆم هاتەوە یاد
سەوسەن و گوڵ ئاسمانی کۆڕیان دەڕازاندەوە،
ڕوو و زوڵفی مەجلیسئارای نازی تۆم هاتەوە یاد
شەم لە باوەشی شەماڵا بڵێسەی لێ دەلەرزی،
لەرزینی بسکی عەنبەرسای سەر ڕوومەتی تۆم هاتەوە یاد
لە باخا پەپوولەیەک هات نەنیشت، هەڵفڕی و چوو بێباک،
تۆرانی بێهۆ و یاخیبوونی تۆم هاتەوە یاد
مامزی سەرمەست هەڵات، ڕایکرد و ڕووی کردە کۆسار،
خۆدزینەوەی دڵبەرانەی پڕ تابی تۆم هاتەوە یاد
جۆگەیەک لە بن سەرووێ زاری و گریانی بوو،
ئاهـ و ناڵەی گریانم لەبەر پێی تۆم هاتەوە یاد
شار پڕ بوو لە هەرای دێوانەیەک، ئەی ڕەهی!
دێوانەیی سەر و دڵی سەودای تۆم هاتەوە یاد
