Skip to Content

گەڕیدەیەك لەبا ….  هــاوار ته‌یــب

گەڕیدەیەك لەبا …. هــاوار ته‌یــب

Closed
by حوزه‌یران 4, 2018 General, Poems

( 1 )

لەگەڕیدەیەك دەچم
کەماڵی نەبێ،
هۆشی وێران وێران بێ.

( 2 )

لەگەریدەیەك دەچم
کەسەراپای جەستەی
ئەنجن ئەنجن کرابێ.

( 3 )

گەریدەیەك
هەموو ڕۆژێك
بەتاوانی ماڵوێرانی
لەخاچ دەدرێ.

( 4 )

گەڕیدەیەك
نزاکانی لای خوداش
گیر نابن.

( 5 )

گەڕیدەیەك
ماڵیی لەباران
و
ڕۆحی لەهەور.

( 6 )

گەڕێدەیەك
دەکرێت بەقوربانی کەوا و سەڵتەنەیەکی
دۆگما دۆگما.

( 7 )

تۆ لەجنسی شەپۆلەکانی دەریایی و
وەك هەور
بەشەقامەکانیی تەنیاییمدا
هاتووچۆتە*.

( 8 )

گەڕیدەیەك
لەشەقامەکانی تەنیاییمدا
خەریکی یاریکردنە
بەچارەنووسی ئاو.

( 9 )

گەڕیدەیەك
لەڕۆژگاری ئاودا
خەریکی هەڵدانەوەی لاپەڕە ڕەشـــەکانی
کەوا و سەڵتەنەتی دۆگمایی
ئایینە.

( 10 )

گەڕیدەیەك
لەتەنیاییمدا شەپۆل دەدات و
هیندەی تەنیاییش تەنیایە.

( 11 )
گەریدەیەك
دەیویســت لەگەڵ ژنێكدا
جێژوانێك لەدڵی بەرددا
دروست بکات.

( 12 )

گەڕیدەیەك
لەگەڵ خێڵ و نەریتدا
لەململانێ دایە،
تاببێتەوە بەخۆی.

( 13 )

گەریدەیەك
دەیەوێ لەگەڵ بادا
تۆفانێك هەڵبکا.

( 14 )

سه‌رت به‌رز بکه‌وه‌ و
دییه‌کانت دابخه،‌
تاوێنه‌ی من
بۆ هه‌میشه‌ له‌نیگاکانت ون نه‌بێ.
منیش وه‌ك گه‌ڕیده‌یه‌ك
بسکی ئاڵۆزت بۆ شانه‌
ده‌که‌م.

20/6/2013
ڕانیە
هــاوار ته‌یــب

*کۆپلە شیعرێکی خاتوو شیلان جەبارە، بەکەمێك دەستکارییەوە.

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish