دەریاچە.. شیعری شەهلا نوری
Closed
گۆڵی گۆشەتەنگ
چەرخی سووڕی ئاو
چوارچێوەی ئاوی کەناری فێنک
مەودای پیادە
ڕێگای دوور و تەنگ
دوو ڕوحی شەنگۆڵ.
پێوەند ئێسک سووک
قیبلەی هەرزەکار بەتۆ ئاوەدان
جریوەی مەل و
بەهاری باڵندە
هاوین مراوی شاد بوون لە ڕۆخێ ،
ئاوبازی نێوت
نھا بەسەرت دا دەڕۆین
وەک، بەفرە یەخی
بۆ گەمەی، سکی وخڵیسکانی
بێ کەتن و قسوور
لەو خوازەی ڕۆژێک بە دواییدا بگەیت
پەڕینەوەیەک !
خۆ دانەدەستی هیچی ھیچ مراز
دوا شەپۆلەتە خۆڵ لووشی دەدا!
لە خوار ھەتا ژوور
کۆتایی زەوییە
کۆتاییت بێ
بەخەیاڵەکان
بە ئاشنابوون و
بە خۆت و ھیواکان
شەهلا نوری
