دوو تاک پێڵاو.. شیعر\ نەوزاد بەندی
Closed
وەرە ناوی دیموکراسیت هەڵگرتبێ و خەڵک بڵێن سیر ، تۆ بڵێی پیاز
ئەوەی خوا پێی ناخۆشە
پێیان بکەی ..
کار بگاتە بڕینی
موچە و حەقدەس
هەر بە هەوەس ..
ئەو خەڵکەی کە خوێنی بۆ داویت..
پشت و پەنات بوو کاتی لێقەوماوییت ..
بە ڕاستی نامەردیت
بە ڕاستی ناپیاویت ..
وەرە ناوی میللەتت هەڵگرتبێ و
مافی گوێرەکەیەکت نەبێ
کێڵگەی مریشک لە تۆ بەختیارتر بێ ..
کەچی
هەر بە ملکەچی
ڕایکێشی ..
دە ساڵ ..
بیست ساڵ ..
چل ساڵ ..
بێ کار .. بێ نان ..بێ داهاتوو ..
تێکشکاو .. خەمبار ..
سوکوسەلیم و ماندوو ..
بە دوای شەیتانەوە دەروێشییی ..
هەر سەرانە و سوکایەتیت پێ بکرێ و
هەر ئاخ هەڵکێشی ..
هەردووکتان دوو تاک پێڵاوی
گەمژەیەکی سەرخۆشن ..
لە دۆزەخەوە بۆ دۆزەخ ئەڕۆن ..
هەردووکتان قێزەونن ..
دوو پەڵە تف ..
دوو پارچە کارتۆن ..
مەنجەڵ و سەرقاپن ..
شیش و کەبابن ..
هەردووکتان پێکەوە ئەربابن ..
