Skip to Content

كه‌متر له‌ هیچ … عه‌بدولموته‌لیب عه‌بدوڵڵا

كه‌متر له‌ هیچ … عه‌بدولموته‌لیب عه‌بدوڵڵا

Closed
by ئایار 10, 2019 General, Poems


هه‌نگاوێك ده‌چمه‌ دواوه‌ بۆ ئه‌وه‌ی بیر بكه‌مه‌وه‌
هه‌نگاوێك له‌ ژیان كورت ده‌كه‌مه‌وه‌
هه‌نگاوێك هه‌تا دوایی
له‌ ره‌شبردنه‌وه‌ی خۆر
ده‌چمه‌ دواوه‌
كه‌متر له‌ هیچ
له‌ ژیان كورت ده‌كه‌مه‌وه‌
ژیان مێژووی نییه‌
چه‌شنی درۆ
دوایی دێم
له‌ ژێر رۆشنایی خۆر
درۆ ده‌نوسینه‌وه‌
هه‌نگاوێك ده‌چمه‌ پێشه‌وه‌ بۆ شۆڕش
هه‌نگاوێك دوور له‌ دۆزه‌خ ده‌ڵێم
ژیان كه‌متر له‌ هیچ
له‌ نێو كتێبان ده‌كه‌وێ‌
وای دابنێن هه‌نگاوێك ده‌چمه‌ پێشه‌وه‌
هه‌تا دوایی
بوونی با زگماكییه‌ من به‌و بیره‌وه‌ ناژیم
به‌ یادی شۆڕش
وای دابنێن خۆر له‌ نێو كتێبان ده‌كه‌وێ‌
هه‌نگاوێك ده‌چمه‌ دواوه‌ بۆ ئه‌وه‌ی نه‌ڕژێم
دوور له‌ رۆشنایی ده‌ڵێم
ژیان مێژووی نییه‌.


هه‌ولێر 12/4/2019

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish