سەرم لێ دەرناچێ، نوقتە سەری دێڕ… ئارام ئازاد
سەرم لێ دەرناچێ: دکتۆرە و سەپۆرتەری مەلا عەلیە!!
نوقتە سەری دێڕ: خاوەنی یەکێک لە گیادەرمانەکانە.
سەرم لێ دەرناچێ: جمهوری مێسیە و هاندەری پورتوگالە
نوقتە سەری دێڕ: لەوە ئەچێ خزمێکی باڵیۆزی عێراق بێ لە پورتوگال.
سەرم لێ دەرناچێ: کەشتیەکەی ئەمریکا دوو بست لە ئێمەوە دورە کەچی هەرەشە لەئێران ئەکا
نوقتە سەری دێڕ: زۆر ئاسایی واتە پێگەی خۆت بزانە.
سەرم لێ دەرناچێ: مەلاکەی لای ماڵمان سەوتی زۆر ناخۆشە بە ناشوکری نەبێ
نوقتە سەری دێڕ: پێی بلێ وازبێنە ئەتکەین بە وەزیر ، حاشا لە مزگەوت و باوکیشی ئەکا.
سەرم لێ دەرناچێ: ئەیانوت دوێنێ خەوتنی تۆ و کارەبا حەشریان کردوە یەکی 24 تان قەپات کرد
نوقتە سەری دێڕ: باوە گیان پێیان ڕابواردوی دوێنێ تۆ بیست دەقە خەوتوی کارەباش هەر ئەوەندە سەری لێداین.
سەرم لێ دەرناچێ: دەستی شکاوم هەڵبژاردنی ڕابردو دەنگەکەی خۆمم فەوتان ئەوە نامورتاحی کردوم
نوقتە سەری دێڕ: ئەکیدم ئەوانیش حیسابی نامورتاحی تۆیان کردووە.
سەرم لێ دەرناچێ: عیشقێکی ئەبەدیمان لەگەڵ وڵاتی دەوروبەر هەیە
نوقتە سەری دێڕ:
عیشقە ئەساسیەکەمان بۆ ھۆتێل و باڕ و کچە جوانەکانیانە و مەنزەری جوانیشمان کردۆتە بیانو بۆگەیشتن بەم ئامانجانە .
سەرم لێ دەرناچێ: جیرانەکەم پێنج فەرزە سەر لەسەر نوێژە کەچی لەخانوی کرێدایە و بەرامبەرەکەی ئەبوجەهل و سەرخۆشی وەک خۆی نیە کەچی مورتاح لە خانوی خۆی دایە
نوقتە سەری دێڕ: چونکە نیەتی سافێکی ئیمان لە دڵە .
سەرم لێ دەرناچێ: سەرم لێ دەرناچێ
نوقتە سەری دێڕ: باشترە سەرت لێدەربچێ و خۆتڕابێنی لەگەل بارودۆخ نەبادا ببیتە نوقتە و پەندی سەری دێڕ.
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
