دوو هۆنراوە بۆ مناڵان … فەرهاد ئەحمەد بەرزنجی
ساڵی نوێی خوێندن
ئێمەی منداڵ دەزانین
واساڵی نوێی خوێندنە
بەسەرچوو پشوی هاوین
کاتی کۆششکردنە
زیرەکی خولیامانە
بۆیە وا بە پەرۆشین
بۆساڵی نوێی خوێندنە
هەموو دڵپڕ لەخۆشین
قوتابخانە هاوڕێیە
باشترین جێی ئێمەیە
زانیاری تیا فێردەبین
ماڵێکی بەخشندەیە۰
دوانە ….
براکەم زۆر وریایە
دڵسۆزو بە وەفایە
وتەو کردار شیرینە
هەتا بڵێی سەنگینە
زۆر هۆگری یەکترین
ناتوانین بێ یەکتربین
خەڵکی دەیانووت دوانەن
ئای چەند جوانوهاوشێوەن؟!
من لەم وتە نەگەیشتم
هەتاکو پێگەیشتم
رۆژێ پرسیم لەدایە
مانای چییە؟ دوانەیە
وتی ڕۆڵە هەردوکتان
پێکەوە هاتنە ژیان
کاتێک لەناو سکم بون
لەوێش هەرپێکەوە بون
لەیەکدەچن ڕوخسارتان
وەکیەک جوانە کردارتان
بۆیە وا زۆر ئاسودەن
هاوکاری یەکتر دەکەن
هەموو دوانێک وەک ئێوە
بە رەنگ و دەنگ و شێوە
ڕێزیان لەسەر چاوانە
پێیان دەوترێت دوانە۰
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
