له سوچێکی پەنجەرەکەتەوه … سەدا جەودەت
به درێژایی شەو
دانیشتن به دیار پەنجەرەیەکەوه
روح له تەنگەژەی دنیا گیر دەکا
له سوچێکی پەنجەرەکەتەوه
سەیری ئەو پیاوانه بکەی
که به دەست ویسکیەوه
گیریان خواردوه
یان ئەو ژنانەی
به دیار لێدانی مێردەکانیان هاوار دەکەن
تۆ بیرکەوه
ئەوەی تۆ ناوت لێ ناوه گرفت
ئەبێ چ وەهمێک بێ..؟ ئافراندوته
له سوچێکی پەنجەرەکەتەوه
چیرۆکی سەیر و حاجباتی هەیه
بۆنی کولێرایەکی سوتاو ئەو ناوەی شێواندووه
ئاوازێکی درەنده دەستی بەسەر کێشاوه
له سوچێکی پەنجەرەوه
دونیا شتێکی تر هوتاف دەدا….
سەدا جەودەت
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
