Skip to Content

هەناسە سارد … عارف کوردە

هەناسە سارد … عارف کوردە

Closed
by ته‌مموز 9, 2020 General, Poems

قوڵپی هەنسکەکەی تۆیە
دوندی چیاکانیش سەر ئەکا
پاروە نان و بژێوی ژیان
ئینسان بێ چارە ئەکا
خەمی زۆرو هەناسەی سارد
گوێی پارەدار کەڕ ئەکا
قرچەی دڵ و دەروونتە
چی ویژدانە سڕ ئەکا
چارەکێ گۆشتی نێو مشتت
کۆمەڵێ سک، چۆن تێرئەکا؟
دەست و بازوو ڕەنجکێشانت
کۆشکی ئەوان بەرز ئەکا
ئەچۆڕێ لەگیانت شیلە
گۆزەکەی وان پڕ ئەکا
ژیانی پڕ شکۆو بەرزی تۆ
کەلەی پووتیان شۆڕ ئەکا
لەئاست ئەشکی چاوەکانتا
مەلاو قەشە شەرم ئەکا
هەر سەرگردەو بنگردەیە
لەسەر ئەژماری خوێنەکەت
ژمارەی بانکی زیاد ئەکا
مافی مرۆڤ لێی نوستووە
بێباک بادە نۆش ئەکا.

Previous
Next
Kurdish