شیعر – بەلەمێک لە هەور … کاوە عوسمان عومەر

تەنها جەستەیە، گوێچکە ماسی…
ڕۆح، تووڕدانی بەلەمی هەورە،،،
لە زەریای ئاسمان…
ئارەزووی شیعر،،،
خەونێکیش، گەر نەشبوە نەورەس،،،
خەیاڵێکیش لەسەر پردێک جێ ما،،،
فرمێسکی گیاکانیش….
کوا نوسینی هەموو ڕۆشتنەکانتی هەڵگرتوە،،،
بەلەمی هەوریش بێ تۆم بۆچیە ؟،
خۆ من لە نێوان…
زەریا و هەور،،،
جۆلانیەکم هەڵبەستوە،،،
پەنجەرەش کوا چاوی پایزە،
تۆز و خۆڵی شەقامیش…
وەک زمانی بروسکە،،،
لە ڕەنگپژانی کەلێکا….
پەلکەزێڕینەی شارێکە،،،،
جگە لە شەرابی وشەکانی خەڵک،،،،
نە ئەستێرە لە ئامێزیا ماوە…
نە پشکۆی جێماوی ووشە،،،
دوای جگەرەیەکی با کەوتوە.

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.