Skip to Content

نەورەسەکانت لە دوا ئەنێرم … کاوە عوسمان عومەر

نەورەسەکانت لە دوا ئەنێرم … کاوە عوسمان عومەر

Closed
by ئه‌یلول 9, 2020 General, Poems

کە هەموو شتەکان،،
لە خەوێکی ناخۆشا…
نغرۆ،
نەورەسەکانت،،
لەدوا ئەنێرم،،
تۆ، ئێوارەیەک ئەرخەوانی ….
بگەرە کەنار،،،
چاوەڕێتم،،
وەک چاوەڕوانی..
دار چنار،،
بۆ مەلێ لە جوانی،،
چاوەڕێتم،،
لە نێو کوخێ …
لە عیشق وشیعرو،،
گوڵ و گوڵزار،،
تۆ دەرکەوە،،
وەک گزنگێ..
لە پشت کەلی چیاکان،،
لەبەردەما بەرجەستە بە،،
وەک تابلۆی پەیکەرێ،،
لە نمە باران،،
ڕێگە بە،،
با سیحری جوانی زەریا،،
دڵی شەکەت و..
ماندووی سەفەربەرێ،،
پەیمان ئەدەم،،
لە نێو چاوما،،
تروسکەی…
فیردەوسی..
خواوەندی عیشقت،،
بۆ بهێنم،،
لە نێو چنگی تەزیوما،،،،
ووردە ئاڵتوونی خۆر..
بەسەر ڕوخسارتا..
ببارێنم،،
گەر گەیشتی..
با وشەکان،،
بە زەنگی بێدەنگیەوە…
هەڵبواسرێن،،
بۆ چەند ساتێ،،
با نەورەسەکان،،
لە جیاتی لێومان،،
باسی ئەندێشەی..
ژوانێکمان کەن،،
شەپۆلەکان ببنە جەستە،،
دڵ ببێتە ..
چارۆکەی،،
کەشتتی بێ بەندەر و جێ،،
با یەکی سرک و بزێویش،،
تا ئەو شوێنەی،،
هەوری یاخی لێ بێ،،،
ڕۆحمان..
دوور دوور،،
بەرێ،،

وێنەکە کارێکی هونەری فۆتۆگرافەری ڕۆمانی
( Giani Pralea)
بە سوپاسەوە لە پەیجی فەرمی خۆی وەرگیراوە

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish