Skip to Content

سێ دیمەن لە عەشق.. شیعری: ستیڤان شەمزینی

سێ دیمەن لە عەشق.. شیعری: ستیڤان شەمزینی

Closed
by كانونی دووه‌م 21, 2021 General, Poems

یەک
کاتێک عاشق بووم
گشت پەنجەرەکانی خۆشبەختیم لەسەر خۆم داخست
تاکە دەرگای خەم و پەژارەم کردەوە
کاتێک عاشق بووم
هەموو خەندە و قاقاکانم لە خۆم تۆراند و
ئامێزم بۆ فرمێسک و ئاه هەڵکێشان کردەوە

دوو
بۆ ئەوەی مەلی خەندەکانت بۆ ئەبەد نەفڕن، عاشق مەبە
بۆ ئەوەی رێگە لە لافاوی فرمێسک بگریت، عاشق مەبە
بۆ ئەوەی پەنجەرەکانی خۆشبەختیت دانەخرێ، عاشق مەبە
بۆ ئەوەی نەبیتە هاوڕێی شەقامە تەنیاکان، عاشق مەبە
بۆ ئەوەی زیندوو بمێنیتەوە، هەرگیز عاشق مەبە

سێ
کە مناڵ بووم
وام ئەزانی عەشق تەنیا گەمەی گەورەکانە
ئێستا گەورە بووم
ئەزانم عەشق تەنیا گەمەیەکی مناڵانەیە
کە مناڵ بووم وام ئەزانی عەشق یاری بەختەوەرییە
ئێستا گەورە بووم
ئەزانم عەشق گەمەکردنە بە ئاگر‌

Previous
Next
Kurdish