هەر یادێکت ڕۆحسوتانێکە … شیعر/ کاوە عوسمان عومەر
کە تۆ ئەڕۆیت
کەشتیەکی تێکشکاو جێ دەمێنێ
مەرگ لە هەموو شوێنێکە
گەمە بە شتە جێماوەکان ئەکا
هەر دیمەنێک بە بێ بوونت
زامی قووڵی برینێکە
………….
لە ژەهری تاڵی..
،، لەدەستدانێکتا
کازیوەیەک،،
ئەکەمە دوا پەناگە،،،
دەروازەی پەرادیسێک،،
.. نێوان بەرزەخی عیشق و
ناعیشقا،،
بە نەخشی ڕەنگاڵەیەکا،،
واڵا ئەکا
……………….
بێ شنەبای تۆ..
هەناسەی ساردی پایزێکە
پیانۆی خەمگینی ..
پڕ ئەسرینی ئێوارەیەکە،،
ڕوبارێکە،، بیرکردنت،
سەرکێشە، بێ سنوور و بێ کەنارێکە
،، چی سیمفۆنیای وونبوونێکە
لە تەمی دارستانێکی دورا،،
بگەڕێی بە دوای…
تارماییەکتا،،
نەبوونێکتە
چی مەرگێکە،،
دەرکەوتنی سەرابیشت،،
چی خەیاڵیکی قەشەنگێکتە
ئیتر ئەی مرواریە
ڕۆژەپرشنگاویە..
وەریوەکانی..
نێو پەنجەکانم،،
لە باران و… بمنبینە چۆن
تەمی ئەودا،،
تواومەتەوە،،
لەم باهۆز و گەردەلولی زریانێکا،،
،، چیتر باکم نیە
جەستە بڕوا،،
بە نێو شەپۆلی گڕینی…
دورخەی کەنارێکا،،
لەم وەرزە ئافاتەدا..
،، هەر یادێکی پەریزادەی ئەو
.. ئەشکەنجەی بەزامی
مەرگێکە،،
چی ڕۆحسوتانێکە
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
