Skip to Content

سلێمانی …عەلی حەمەڕەشید بەرزنجی

سلێمانی …عەلی حەمەڕەشید بەرزنجی

Closed
by November 15, 2020 General, Kids Literature


سلێمــــانی،سلێمـــانی
لێوانلێوی لــە ئـەوین و
ھەتا دڵ حەزبکات جوانی
بۆیە دەڵێم کــە ھەمیشە
تۆ شـــایانی گوڵبارانی
سلێمـــانی ، سلێمـــانی

پیت بە پیتی وشەکـــانت
لەگـــەڵ ڕۆحم ئاوێتەیە
سیمای سەرنج ڕاکێشی تۆ
تابلۆیـــەکی بێ وێنەیە
نەخشی سەر دڵی ھەمووانی
سلێمـــانی، سلێمـــانی

ھەموو لایەکی ئەم شـــارە
کوچەو کۆڵان و شەقـــامی
بـــــۆ ورد و درشتی ئێمە
بوون بە مەنزڵگەی ئارامی
سەرچـــاوەی ژین و ژیانی
سلێمـــانی،سلێمـــانی

لە ئامێزی پڕ لـــە سۆزی
تۆی ئازیزدا بــە دڵشادی
بە تەواوی ئاســـودەین و
سرود دەڵێین بـــۆ ئازادی
ئەی شاری پڕ میھر ەبانیی
سلێمـــانی،سلێمـــانی

مێژووت پڕە لەسەروەریی و
گشت شانازیت پێوە دەکەین
بەسەربەرزی ناوت دیارە
دڵخۆشین کە ناوت دەبەین
شارە شەنگەکەی بابانی
سلێمانی،سلێمانی

١٦/٦/٢٠٢٠

Previous
Next