بێ نیشتمان .. شیعر/ کاوە عوسمان عومەر
Closed
شەو پەنجەکانی سەرما نەیبا،
منداڵی سواڵکەر،
پێکانی شەختە،
چاوانی پڕگوناح
هی من و تۆ،
شار،
لە شوێنێکی تر..
نیشتمان ،
خەونی کەسانی تر..
شەقامێ پۆخڵ،،
جێ نشینی..
منداڵێ سواڵکەر،،
چرپای ڕزیو
ڕومەت تەزیو
چاو هەڵتۆقیو
قژ هەڵبزرکاو
شارێ دزراو
سەر باڵی داڵاشی..
تاریکی و تاوان،
گورگمرۆڤ،
کۆشک و قەڵا
باڵای بڵند ،
عەرشی ئاسمان
جەردە مرۆڤ ، گورگی برس
کەڵبەیان تێنا
جەستەی دایکێکی سواڵکەر
ڕۆحی ئەویش بوو بە سوتماک..
باوکی منداڵی سواڵکەر
بۆ ئازادی ساختە
شۆڕشی درۆ.
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
