Skip to Content

بودجەی ٢٠٢١ – .. نەوزاد بەندی

بودجەی ٢٠٢١ – .. نەوزاد بەندی

Closed
by January 2, 2021 General, Poems

باڵندەکان ئیتر کۆچ ناکەن
ئاخر باڵیان پاشەکەوت کردن ..
بەفر
پەنجەمان
له گۆ ناخا
ئاخر لە گۆخستنیان پاشەکەوت کردن ..
باران
سەرشان و
قژمان تەڕ ناکا ..
شەماڵ فێنکایی
ناگوێزێتەوە
لە ئەلفەوە بۆ با ..
شەو ناتوانێ
بلوسە ڕەشەکەی
بدا بەسەڕ ئاواییدا ..
خەو لە توانایدا نەماوە
پێڵووی چاوەکان گرێدا ..
ڕووبار قوڕگی نووساوە و
خوڕەی نەماوە ..
چا ناتوانێ لەگەڵ شەکر
تێکەڵاو بێ ..
خۆر کە هەڵدێ ،
تیشکەکانی ناگەن بە کەس ..
قژی نیگرۆی هەور
خاو بۆتەوە و ..
یەک دڵۆپ باران هەڵناگرێ ..
هەمیشە سەوزبوون
لە سنەوبەر زەوت کراوە ..
هەمووی پاشەکەوت کراوە

ن . بەندی
٣١ / ١٢/٢٠٢٠

Previous
Next