Skip to Content

لە لێوارێکی هەزار بە هەزاردا.. نەوزاد بەندی

لە لێوارێکی هەزار بە هەزاردا.. نەوزاد بەندی

Closed
by February 5, 2021 General, Poems

ئێوارەیەک
دێینەوە بۆ ماڵ و ..
خۆمان
لە پارکێکا جێهێشتووە ..
لەسەر کورسیەکی داری
شێداری
ڕەق و تەزیوی ،
مارکێتێکا لە بیر چووە ..
ئەگەڕێین و دڵنیایش نین ،
خۆمانین یان کەسێکی تر ..
پێش زەنگی مۆبایلی خۆمان ،
کورتە نامەیەک ئەنێرین
بۆ کۆمەڵێ ئەدرەسی تر ..!

٭ ٭ ٭
بە دەر لەوەی بیرت ئەکەم ،
بینینیشت پەستم ئەکا ..!
نزیکیت ڕاوم ئەنێت و ..
دووریت لەگەڵ
گەڕان بۆت ،
پەیوەستم ئەکا ..!

٭ ٭ ٭

بە دەر لەوەی
من بە بێ تۆ ، کەمئەندامم ،
بە تۆیشەوە ئینجانەیەک
خەم و زامم …

Previous
Next