Skip to Content

پیس کردنی ژینگەی دڵ.. شیعری : نەوزاد بەندی

پیس کردنی ژینگەی دڵ.. شیعری : نەوزاد بەندی

Closed
by February 22, 2021 General, Poems

ئەسڵی دڵ ،
ئینجانەیەکە و ..
لەلای خواوە ،
هەندێ گوڵی
خۆڕسکی تیا ڕوێنراوە ..
ئەوە خۆمانین گوڵەکان
ووشک ئەکەین و
دڕک ئەڕوێنین لەملا و لاوە ..
دڵ ،
شوشەیەک عەتری
ناو کانی و گوڵزارە ..
ئەوە خۆمانین
کردوومانە بە دەخیلە و
هەوڵ ئەدەین
پڕ بێ له پارە ..

نــــــــ . بەندیــــــــــــــــــــــــــــــــــــــــــــــــــــــــــــــ

Previous
Next