Skip to Content

شانزدەی سێ.. فەرەیدوون سامان

شانزدەی سێ.. فەرەیدوون سامان

Closed
by March 16, 2021 General, Poems

ناوم هەڵەبجەیە
لەسەر نەخشەی جیهاندا
بوونم نییە
عاشقێک نییە خۆشی بوێم
شاعیرێکیش چامەیەکم بۆ نانووسێت،
کراسێکی سوورم لەبەردایە
خوێنی منداڵەکانی لێ دەتکێت.

بێ سەر
بەتەنێ
بەنێو جەنگەڵەکاندا رێ دەکەم..
بە قفڵێکی گەورە دەرگای رووناکی دادەخەم،
لە سەر رێگاکاندا
لە بۆنی عەترەکانیان مەست دەبم
رێبوارەکانیش نادوێنم
گورگەکان کاتێ دەیانبینم
لە نیگای چاوەکانیان تێدەگەم
لە زمانیان حاڵی دەبم
نێچیرەکەیان راو دەکەن،

من ناوم هەڵەبجەیە
خودایەکەی ئێوە
منداڵەکانی ئێمە ناناسێتەوە..


فەرەیدوون سامان

Previous
Next