باز.. سەلام عومەر
بازیان هەڵدا…..
منداڵی ریشنێکی کۆن
شانی راستی هەڵدەتەکاند
کۆمۆنیستێک
دەستی چەپی رادەوەشاند
بازیان هەڵدا….
قەشەو مەلاشی لێ بوو
لێ هەر خەریکی نزا بوون
هەر خەریکی
وەرگرتنی پاداشت و
دوورکەوتنەوە لە سزا بوون
بازی ماندوو
بازی ون بوو
لەدوای سێدەیە گەیشتەوە
هات و لەسەر
کێلی شەهیدێک نیشتەوە.
Salam Omar
ژیاننامە )سەلام عومەر كەریم( *لە ساڵی 1967 لە قەڵادزێ لەدایك بووە .. 1986 ماڵیان دەچێتە هەولێر.. 1998هاوسەرگیری كردو ە.. 1984 وە چیرۆك و شیعر و بابەتی وەرزشی و فۆلكلۆری لە زۆرینەی رۆژنامە و گۆڤارەكانی ئەوكات بڵاوكردۆتەوە. دەستەی دامەزرێنەری تەلەفزیۆنی ئازادی بووە لەساڵی 1994.. ئەندامی یەكیەتی نووسەرانی كوردە *ئەندامی سەندیكای رۆژنامەنووسانی كوردستانە **سەدان وتاری سیاسی لە رۆژنامەو گۆڤارەكاندا بڵاوكردۆتەوە لە ساڵانی هەشتاكانەوە لە چەندین كۆڕی شیعری بەشدار بووە *لە ساڵی 2000 سەرنووسەری ئەدەب و هونەری رێگەی كوردستان بووە كەرۆژنامەیەكی سەربەخۆ بوو *سەرنووسەری ماڵپەڕی رێگەی كوردستانە * 10 كتێبی چاپكراوی هەیە لە رۆمان و شیعر و چیرۆك +چەند شیعرێکی کراوەتە گۆڕانی و سروود، شیعرێکیشی لە پڕۆگرامی خوێندنی قۆناغی بنەڕەتی دەخوێندرێ * لە ساڵی 1993 وە لە راگەیاندنی حزبی شیوعی كوردستان كار دەكات و تا ئێستا بەردەوامە.
