ئەگەر دادگا ڕاست دەکاو شانۆگەریێکی کۆمیدی نییە.. هاوڕێ بابان
ماوەی ساڵێکە کۆمەڵێک چاڵاکوان و مامۆستا و خەڵکی ڕەشوڕوت بەبیانوی کاری سیخوڕی کاری تێکدەرانە دەست بەسەرکراون بەبێ ئەوەی تۆمەتی بەشێکیان بەسەریان داساغ بێتەوە وەبەشێکیشان تا ئێستا هەردادگایش نەکراوان ولەزینداندان و ئەشکەنجە دەدرێن . بەشێکیشیان بڕیاری شەش ساڵ حوکم کردنیان بۆدەرچوە. پرسیار ئەوەیە ئایە کەسێک بەبێ ئەوەی تۆمەتەکەی لەسەر ساغ بوبێتەوە دەکرێ ئەم هەمو ئازار وئەشکەنجەیە بدرێ بخرێتە کونی زیندان و نەهێڵدرێت کەس وکاری بیبینن؟ ئەمە پرسیارێکە و دەبێ یاسا وڵامی بداتەوە.
تادێت کێشەو ململانێکانی هاوسەرۆکانی یەکێتی توندتر دەبێت لەئێستاشدا گەیشتۆتە ئاستی توندو تیژو لێک هەڵوەشانەوەی ئەم جۆرە لە سەرکردایەتی کردنەی کەپێی دەڵێن هاوسەرۆکایەتی .و یەکێک لەهاوسەرۆکەکان کەهێشتا خۆی بەهاوسەرۆک دەزانێ لەکاتێکدا کۆمەڵێک تۆمەتی خراوەتە پاڵ کەهەریەک لەم تۆمەتانە دەیان جار لەتۆمەتی مامۆستاو چاڵاوکانانی بادینان گەورەترن . وەک ژەهر خوارد کردن ،قاچاغچیێتی، مەوادی هۆشبەر، قوڕغکردنی بازار ،سیخوڕی کردن . ئەگەر بێت ئەم تۆمەتانە ڕاست بن نەک جارێک دەجار حەقی لەسێدارە دانی هەیە بۆیە دەبێ بپرسین ئایە ئەو تۆمەتانەی کاکی هاوسەرۆک گەورەترن یان تۆمەتی مامۆستایەک کەتەنها داوای موچەو قوتی مناڵەکانی خۆی دەکا؟
ئەبێ ئەم سەرکردە بەناو سیاسیانەی ئێمە چجۆرە پارێزبەندیێکیان هەبێ کەدادگا نەتوانێ قسەیکیان لەسەربکا نەک فەرمانی گرتن؟
ئەوەی من خۆی پێ سەڕقاڵ نەکەم و بەهەندی وەرنەگرم کێشەی نێوان سیاسیەکانە لەسەردەستەڵات و بەرژەوەندی خۆیان چونکە دەمێکە بەو باوەڕە گەیشتوم کە لێرە یەکترقبوڵکردن و دەستاو دەستکردنی دەستەڵاتبەشێوەیەکی ئاشتیانە خەیاڵە و وە لێرە قوون لەکورسی نابێتەوە بەزیندویی بەڵام ئەم ڕووداوەی ناو یەکێتی هەرتەنها یەکێتی ناخاتە بەرپرسیاری جددی بەڵکو شەرمەزاریە گەورەکە بۆ دادگاکانی هەرێمی کوردستانە کە کەسێک بەم هەمو تۆمەتەوە لەدەرەوە بێت لەڕوی یاساییەوە مێش میوانی نەبێ هەژارێکیش تەنها لەبەر ئەوەی داوای مافی خۆی کردوە لەکونی زیندان بێ .
دیسان دەڵێمەوە دادگا لێرە شانۆگەریێکی کۆمیدییە.
هاوڕێ بابان
چاودێری سیاسییی
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
