Skip to Content

با و موژدە.. سەردار جاف

با و موژدە.. سەردار جاف

Closed
by ئه‌یلول 19, 2021 General, Poems


(من و با ) وڕێنە بۆ يەک هەڵدەڕێژين
دەڵەمەی خەياڵدانی ئەو ئاڵۆسکاوە
سەرگوزشتەی داستانی بوون و نەبوونی
لە بيرچووە ، يا خزاوەتە دەرياوە
منيش لە نێو دەبەنگی غوربەتی خۆما
باوەش بە ڕەگی ئاو دەکەم
گێژەڵوکەيش نەی لەراندووم
خەياڵێکە و بۆ تەنيايی خۆی گرياوە
با لە باوکێکی ئەرستۆ و
دايکێکی گەرم هاوێرە
وڕێنەکانيشی جارجار
بە چرپەيەک دەيدرکێنێ
باوکم دەريا و دايکم خۆڵە
منی گێلکرد
بخولێمەوە لە سوسەی خۆم
نازانم من لە ئاتەشم
يا لە هەناوی بەفردام
يا حەرامزادەی سروشتم
کە خەياڵدانم بنکۆڵە
با پەردەی سەر ئيشقی لا دا
خولاوی نێو پانتايی ئەوينی ئەو بووم
شەيدا و مەست و
ئەو غايەڵەی پەيوەستيم بوو
باهۆڕی کرۆنای هێنا و لێی ئاڵانم
پەنام بۆ ئاوێکی ڕوون برد
کانی و ڕوبار و دەرياکان
لێم ياخی بوون
سەرنگونی نێو زريان و تۆفانيان بووم
ئاراميم لە بەر بڕا بوو
دەفەی سينەی يار دوا مەنزڵ
کەچی لەوێش لە بێ موژدەيی ناڵانم

16.09.2021
Deutschland – Bad Camberg

Previous
Next
Kurdish