کۆپلەیەک و دوو ڕوباعی.. شیعری: نەوزاد بەندی
Closed
بەڵام دەسەڵاتێکی خوێڕی ،
کە ڕووخانی ،
هیمەتی چوار پیاوی ئەوێ و
پیاو قاتییە ..
هیچ سەیر نیە ..
فیل نافڕێ ..کیسەڵ خاوە ..
بەس لە کوردا ،
مەوسیمی
پیاوەتی و غیرەت ،
نەهاتیە ..
٭ ٭ ٭
چاوەڕێی دەستی نامەرد کەی ، مـردووی
هەر خۆی ئەبینێ و تۆ وەک بابـــــردووی
بێ سودە هەرچەن هەوڵی لەگەڵ بــــەی
ئەو هەر ئەوەیە زەلیلـــــــــــــی کردووی
٭ ٭ ٭
نامەرد هیچ باس و خواســــێ نایگۆڕێ
براوەتـــــــــــرە هەرچــــــــــــەن بدۆڕێ
نامەرد تا زیاتر ڕەخنـــــــەی لێ بگری
گەورەتر ..پیستر ..بۆی دێتــــــە گۆڕێ
