Skip to Content

شیعر- هاتو.. کەنعان مدحەت

شیعر- هاتو.. کەنعان مدحەت

Closed
by January 20, 2022 General, Poems

دایکی وەرز
ئیزنی بە سەفەری زستانی
سڕ و سارد دا
ئاماژەی کاروان یەکلاکاتەوە
لە بەرزاییەکانی ئەرارات تا بناری قەندیل
تەواوی زەرد و سوور ڕێککەون
سەوز و شین..
تا تەختاییەکانی کفری
رەشماڵ هەڵدەنەوە
کچان..
رووت رووت
لە گۆمە گزنگی سپی بەیانیانا
مەلە بکەن
بە قاقا
کۆڕان لە خەو کەنەوە
تامی ماچی
لێوی لە دەنکە هەناری
یەک لە یەکی سوورتریان
لێک جیاکەنەوە
مەگەر تەڵی رووناکی لە کۆتا نەهات
ئەوەندە بە بەها و
دەگمەنتر بێ
ئەوەندەی ماچ و دڵداری و
وەندەی خۆشەویستی بێ سنوور و
مرۆڤ دۆستی
مەگەر
مەگەر ….

Previous
Next