Skip to Content

شیعری مناڵان/ بەرات… عەلی حەمەڕەشید بەرزنجەیی

شیعری مناڵان/ بەرات… عەلی حەمەڕەشید بەرزنجەیی

Closed



وەرن وەرن ئـــــــازیزان
ئەی منداڵانی گــــــەڕەک
نوقــــــڵ و شیرینییم پێیە
دەی وەرنە دەرێ یەک یەک

دەزانم شـــــەوی بــەرات
چەندە خۆشـــــە لای ئێوە
بۆیــــە وا بــە نوقڵـــەوە
من وەســـتاوم بـــە پێوە

بەشی خۆتــان وەربگرن
با ئاسودە و دڵخۆش بن
کۆڵان کۆڵان بگــــەڕێن
گــــــۆرانی بەرات بڵێن

بڵێن ئەمشـــــەو بەراتە
هەموو هاتووین بۆ دیاری
بەدڵخـــۆشیی دەگەڕێین
وەکــو خۆشترین یــاری

Previous
Next